استانا ماڭىندا پويىز ءبىر ءۇيىر جىلقىنى قاعىپ كەتتى، دەپ حابارلايدى اlmaty-akshamy.kz ق ر ءىىم كولىكتەگى پوليسيا دەپارتامەنتى باسپا ءسوز قىزمەتىنە سىلتەمە جاساپ.
ق ر ءىىم كولىكتەگى پوليسيا دەپارتامەنتى باسپا ءسوز قىزمەتىنەن تۇسكەن مالىمەتكە قاراعاندا، وقيعا 18 ناۋرىز كۇنى ساعات 03.00 شاماسىندا ەلوردادان 64 شاقىرىم قاشىقتىقتا ورنالاسقان «ەركىنشىلىك-سارىوبا» ارالىعىندا بولعان.
جۇك پويىزىنىڭ ءماشينيسى قاراڭعى ۋاقىتتا تەمىر جول بويىندا جۇرگەن مالدى بىردەن بايقاماي، 20 باس جىلقىنى قاعىپ كەتتى. تەكسەرۋ بارىسىندا كولىك پوليسەيلەرى 44 جاستاعى مالشىنى انىقتادى. ول تۇنگى ۋاقىتتا جىلقىلاردى قاراۋسىز قالدىرعان.
ەر ادامعا قاتىستى ق ر اكىمشىلىك قۇقىق بۇزۋ كودەكسىنىڭ 559-بابىنا (تەمىرجولداردىڭ بولىنگەن جولاعىندا مال جايۋ قاعيدالارىن بۇزۋ) سايكەس حاتتاما تولتىرىلدى.