ەندى ادامدار ەاەو اۋماعىندا جۇمىس ىزدەي الادى
2021 جىلعى 1 شىلدەدەن باستاپ ەۋرازيالىق ەكونوميكالىق وداق (بۇدان ءارى – ەاەو) اۋماعىندا جۇمىس ىزدەۋدىڭ بىرىزدەندىرىلگەن جۇيەسى – «شەكاراسىز جۇمىس» ونەركاسىپتىك پايدالانۋعا بەرىلەتىن بولادى، دەپ حابارلادى Almaty-akshamy.kz. ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ سايتىندا جاريالانعان حابارعا سىلتەمە جاساپ.
«شەكاراسىز جۇمىس» – بۇل ەاەو-عا مۇشە مەملەكەتتەردىڭ اقپاراتتىق جۇيەلەرىندەگى بوس جۇمىس ورىندارى مەن بوس جۇمىس ورىندارىن ىزدەۋشىلەر تۋرالى اقپارات الۋعا ارنالعان ىزدەۋ جۇيەسى.
«ورتاق ينتەگراسيالىق جۇيەنى ءبىر ۋاقىتتا ىسكە قوسۋ ءۇشىن شەتەلدىك ارىپتەستەرمەن بىرلەسىپ مۇشە مەملەكەتتەردىڭ اۋماعىندا جۇمىس ىزدەۋ بويىنشا نەگىزگى اقپاراتتىق جۇيەلەر ازىرلەندى: «گورس» ارميان اقپاراتتىق جۇيەسى، بەلارۋس رەسپۋبليكاسىنىڭ مەملەكەتتىك جۇمىسپەن قامتۋ قىزمەتىنىڭ اقپاراتتىق پورتالى، قىرعىزداردىڭ «جۇمىسپەن قامتۋ» پورتالى، «رەسەيدەگى جۇمىس» اقپاراتتىق جۇيەسى جانە، ارينە، ءبىزدىڭ «ەڭبەك» پورتالى»، – دەدى ق ر ەڭبەك جانە حالىقتى الەۋمەتتىك قورعاۋ ۆيسە-مينيسترى ەربول وسپانوۆ.
جالپى، جۇيە ەاەو-نىڭ بارلىق جۇمىس ىزدەۋشىلەرى مەن جۇمىس بەرۋشىلەرىنە ۇلتتىق ەڭبەك بيرجالارىندا جينالعان، ۆەريفيكاسيالانعان جانە جاريالانعان بوس جۇمىس ورىندارى مەن تۇيىندەمەلەر بويىنشا جۇمىس ورنىن نەمەسە قىزمەتكەرلەردى ىزدەۋگە مۇمكىندىك بەرەدى.