ماماندار قاتتى ىستىقتا دالاعا شىقپاۋعا شاقىردى

قازاقستاننىڭ ءبىرقاتار وڭىرلەرىندە 30 ماۋسىم مەن 2 شىلدە ارالىعىندا قاتتى ىستىق ساقتالادى.

توتەنشە جاعدايلار مينيسترلىگى ىستىقتان ساقتانۋ ءۇشىن ازاماتتاردى اسا قاجەتتىلىك بولماعان جاعدايدا دالاعا شىقپاۋعا كەڭەس بەرەدى، دەپ حابارلادى Almaty-akshamy.kz.

مامانداردىڭ ايتۋىنشا، الماتى قالاسىندا 30 ماۋسىم كۇنى كۇندىز 33-35 گرادۋس قاتتى ىستىق كۇتىلەدى.

 «توتەنشە جاعدايلار مينيسترلىگى ىستىقتان ساقتانۋ ءۇشىن ازاماتتاردى اسا قاجەتتىلىك بولماعان جاعدايدا دالاعا شىقپاۋعا كەڭەس بەرەدى، سونداي-اق:

- اعزانى سۋسىزدانۋدان قورعاۋ ءۇشىن كوپ سۋ، كۇنىنە كەمىندە 1،5-3 ليتر سۇيىقتىق ءىشۋ كەرەك؛

- اپتاپ ىستىقتا كەز كەلگەن دەنە ەڭبەگىنەن باس تارتىڭىز؛

- كۇندىز كۇن ساۋلەسى بولمەگە كىرمەۋى ءۇشىن تەرەزەلەردى اشىق رەڭكتى پەردەلەرمەن جابىڭىز؛

- كۇن وتپەس ءۇشىن باس كيىم، اشىق اۋا وتكىزبەيتىن كيىم (ماقتادان جاسالعان) كيىڭىز. ىستىق اۋا رايىندا بالالارعا ەرەكشە نازار اۋدارىپ، ساق بولىڭىز»، – دەلىنگەن اتالمىش ۆەدومستۆونىڭ باسپا ءسوز قىزمەتى تاراتقان حابارلامادا.

سونىمەن قاتار، ماماندار قازاقستاندىقتاردى دالا جانە ورمان القاپتارىندا بولعان كەزدە قاۋىپسىزدىك قاعيدالارىن ساقتاۋعا شاقىردى.

 «تابيعي ورتتەردىڭ ورىن الۋىنىڭ نەگىزگى سەبەپتەرى حالىقتىڭ وتتى ابايسىز پايدالانۋى، سوندىرىلمەگەن تەمەكى، الاۋ، جانعان سىرىڭكە، مايلى نەمەسە توزىعى جەتكەن شۇبەرەك، شىنى بوتەلكە، كولىك قۇرالىنىڭ سوندىرگىشىنەن ۇشقىنى، قۇرعاق ءشوپتىڭ جاعۋ، نايزاعاي بولىپ تابىلادى»، – دەيدى ماماندار.