ق ر ەڭبەك جانە حالىقتى الەۋمەتتىك قورعاۋ مينيسترلىگىندە ۆەدومستۆو باسشىسى سۆەتلانا جاقىپوۆانىڭ توراعالىعىمەن ادامداردى زاڭسىز اكەتۋگە، اكەلۋگە جانە ساتۋعا قارسى كۇرەس ماسەلەلەرى جونىندەگى ۆەدومستۆوارالىق كوميسسيانىڭ وتىرىسى ءوتتى.
ءىس-شاراعا ورتالىق مەملەكەتتىك جانە جەرگىلىكتى اتقارۋشى ورگانداردىڭ، سونداي-اق حالىقارالىق جانە ۇكىمەتتىك ەمەس ۇيىمداردىڭ وكىلدەرى، ونىڭ ىشىندە ورتالىق ازيا بويىنشا حالىقارالىق كوشى-قون جونىندەگى ۇيىمىنىڭ سۋبوڭىرلىك ۇيلەستىرۋشىسى، حكۇ-نىڭ قازاقستانداعى، قىرعىزستانداعى، تۇرىكمەنستانداعى جانە وزبەكستانداعى ميسسياسىنىڭ باسشىسى زەينال گادجييەۆ قاتىستى، دەپ حابارلايدى Almaty-akshamy.kz.
سۆەتلانا جاقىپوۆا ءوزىنىڭ العى سوزىندە ادامداردى زاڭسىز اكەتۋگە، اكەلۋگە جانە ساتۋعا قارسى كۇرەس ماسەلەلەرى جونىندەگى ۆەدومستۆوارالىق كوميسسيانىڭ وتىرىستارىن وتكىزۋ جونىندەگى جۇمىس ورگانىنىڭ فۋنكسيالارى ەڭبەكمينىنە بەرىلگەنىن اتاپ ءوتتى.
«كەشە عانا ق ر پارلامەنتى سەناتىنىڭ پلەنارلىق وتىرىسىنىڭ ەكى وقىلىمىندا «ادام ساۋداسىنا قارسى ءىس-قيمىل تۋرالى» جاڭا زاڭ ماقۇلداندى. بۇل قۇجاتتىڭ نەگىزگى ماقساتتارى: ادام ساۋداسى قۇرباندارىنىڭ قۇقىقتارىن، بوستاندىقتارى مەن زاڭدى مۇددەلەرىن، ادام ساۋداسىنا قارسى ءىس-قيمىل سالاسىنداعى قوعام مەن مەملەكەتتىڭ مۇددەلەرىن قامتاماسىز ەتۋ جانە قورعاۋ. زاڭعا قول قويىلعاننان كەيىن مەملەكەت باسشىسى زاڭعا تاۋەلدى اكتىلەردى ازىرلەۋ جانە بەكىتۋ بويىنشا ۇلكەن جۇمىس جۇرگىزەتىن بولادى»، – دەدى مينيستر.
وتىرىس بارىسىندا مەملەكەتتىك ەڭبەك ينسپەكتورلارىنىڭ ءماجبۇرلى ەڭبەك فاكتىلەرىن انىقتاۋ بويىنشا قابىلداپ جاتقان شارالارى تۋرالى، جەرگىلىكتى اتقارۋشى ورگانداردىڭ زاڭسىز اكەتۋگە، اكەلۋگە جانە ادام ساۋداسىنا قارسى كۇرەس ماسەلەلەرى بويىنشا جۇرگىزىپ جاتقان جۇمىسى تۋرالى، سونداي-اق شەتەل ازاماتتارىن-ادام ساۋداسىنىڭ قۇرباندارىن رەپاترياسيالاۋ ماسەلەلەرى: حكۇ-نىڭ قازاقستانداعى 2000-2020 جىلدارداعى تاجىريبەسى تۋرالى ماسەلەلەر قارالدى.