الماتى ماڭىندا قۇرعاق ءشوپ ورتەنىپ جاتىر. وقيعا ورنىنان تۇسىرىلگەن ۆيدەو الەۋمەتتىك جەلىدە تارادى، دەپ حابارلايدى اlmaty-akshamy.kz.
«2024 جىلدىڭ 28 ماۋسىمىندا ساعات 11:09-دا وتەگەن باتىر كەنتىندەگى پچ-8 بايلانىس پۋنكتىنىڭ 101-نومىرىنە ىلە اۋدانى، Gate City كەشەنىنە جاقىن جەردە ءشوپ ورتەنگەنى تۋرالى حابارلاما كەلىپ ءتۇستى. جاقىن ماڭداعى ەلدى مەكەندەر مەن عيماراتتارعا ءقاۋىپ ءتونىپ تۇرعانى انىقتالدى»، دەپ حابارلادى الماتى وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى.
قۇرباندار مەن زارداپ شەككەندەر جوق. قازىرگى ۋاقىتتا ءورت اۋماعى انىقتالىپ جاتىر.
ءورتتى سوندىرۋگە الماتى وبلىسى توتەنشە جاعدايلار دەپارتامەنتىنىڭ 15 قىزمەتكەرى مەن 3 تەحنيكاسى، جەرگىلىكتى اتقارۋشى ورگانداردىڭ 15 ادامى جانە الماتى قالالىق توتەنشە جاعدايلار دەپارتامەنتىنىڭ 3 قىزمەتكەرى، سونداي-اق 8 بىرلىك تەحنيكا جۇمىلدىرىلعان.