1 قازاننان باستاپ ەnbek.kz پورتالىندا جۇمىس بەرۋشىلەردەن سۋبسيديالاناتىن جۇمىس ورىندارىن ۇيىمداستىرۋعا وتىنىمدەر قابىلداۋ باستالادى
ەnbek.kz پورتالى ارقىلى وسى جىلدىڭ 1 قازانىنان باستاپ 2024 جىلى مەملەكەت سۋبسيديالايتىن جۇمىس ورىندارىن ۇيىمداستىرعىسى كەلەتىن جۇمىس بەرۋشىلەردەن وتىنىمدەر قابىلداۋ باستالادى.
جۇمىس بەرۋشىلەر ءوز كاسىپورنىندا سۋبسيديالاناتىن جۇمىس ورىندارىنىڭ مىناداي تۇرلەرىن ۇيىمداستىرا الادى:
- قوعامدىق جۇمىستار، جاستار پراكتيكاسى، الەۋمەتتىك جۇمىس ورىندارى،
- «العاشقى جۇمىس ورنى»،
- «ۇرپاقتار كەلىسىمشارتى»
- «كۇمىس جاس» جوبالارى شەڭبەرىندە جۇمىس ورىندارى.
جۇمىس بەرۋشى قوسىمشا جۇمىس ورىندارىن ۇيىمداستىرادى، ال مەملەكەت جۇمىسشىلاردىڭ جالاقىسىن تولىق نەمەسە ءىشىنارا تولەيدى.
وتىنىمدەردى قابىلداۋ 2023 جىلعى 31 قازانعا دەيىن جالعاسادى.
جۇمىس بەرۋشى ەnbek.kz-تەگى جەكە كابينەت ارقىلى جۇمىس ورنىن قۇرۋدى جوسپارلاپ وتىرعان ءوڭىردىڭ مانساپ ورتالىعىنا ءونلاين-وتىنىم بەرە الادى. ەnbek.kz-تە مانساپ ورتالىعىمەن كەلىسىمشارت جاساسقاننان كەيىن تىركەلگەن جۇمىسسىزدار اراسىنان لايىقتى كانديداتتى تاڭداپ، ونى جۇمىسقا قابىلداۋعا، سونداي-اق قابىلدانعان جۇمىسكەردىڭ ۋاقىت كەستەسىن اي سايىن ونلاين جىبەرۋگە بولادى.
قازاقستاندىقتاردى سۋبسيديالاناتىن جۇمىس ورىندارىمەن قامتاماسىز ەتەتىن ءتۇرلى باعدارلامالارعا 2023 جىلى 47 مىڭ جۇمىس بەرۋشى قاتىسۋدا، ناتيجەسىندە 176 مىڭنان استام جۇمىسسىز جۇمىسقا ورنالاستىرىلدى.
ءبىر جىلدان استام جۇمىس ىستەيتىن جانە سالىق تولەمدەرى، الەۋمەتتىك اۋدارىمدار جانە جالاقى بويىنشا بەرەشەگى جوق جۇمىس بەرۋشىلەردىڭ سۋبسيديالاناتىن جۇمىس ورىندارىن ۇيىمداستىرۋدا مەملەكەتتىڭ قولداۋىنا يە بولۋ مۇمكىندىگى بار.
سۋبسيديالاناتىن جۇمىس ورىندارىن ۇيىمداستىرۋعا قاتىسقىسى كەلەتىن كاسىپكەرلەر ەnbek.kz پورتالىنان نەمەسە جەرگىلىكتى مانساپ ورتالىعىنان تولىق اقپارات الا الادى.