الماتىلىق ماماندار ەڭبەك شارتىنا قاتىستى ءجيى قويىلاتىن سۇراقتارعا جاۋاپ بەردى.
وڭىرلىك كوممۋنيكاسيالار قىزمەتى الاڭىندا ەڭبەك ينسپەكسياسى ماماندارىمەن ازاماتتاردىڭ ەڭبەك قۇقىقتارىن قورعاۋ تۋرالى باسپاكسوز كونفەكرەنسياسى ءوتتى. ونىڭ بارىسىندا ماماندار ءجيى قويىلاتىن ساۋالدارعا جاۋاپ بەردى، دەپ حابارلايدى Almaty-akshamy.kz.
- ەڭبەك ينسپەكسياسى قازاقستان رەسپۋبليكاسى ەڭبەك زاڭناماسىنىڭ ساقتالۋىن مەملەكەتتىك باقىلاۋدى قالاي جۇزەگە اسىرادى؟
ەڭبەك زاڭناماسىنىڭ ساقتالۋىن مەملەكەتتىك باقىلاۋدى باسقارمادا 22 مەملەكەتتىك ەڭبەك ينسپەكتور اتقارادى.
مەملەكەتتىك ەڭبەك ينسپەكتور ءوزىنىڭ قىزمەتتىك مىندەتتەرىن اتقاراتىن كەزدە زاڭمەن قورعالادى جانە قولدانىستاعى نورماتيۆتىك قۇقىقتىق اكتىلەردى باسشىلىققا الادى.
مەملەكەتتىك ەڭبەك ينسپەكتورىنا قىزمەتتىك مىندەتتەرىن ورىنداۋعا كەدەرگى كەلتىرگەن تۇلعالار قازاقستان رەسپۋبليكاسىنىڭ زاڭدارىنا سايكەس جاۋاپكەرشىلىككە تارتىلادى.
قازاقستان رەسپۋبليكاسىنىڭ ەڭبەك زاڭناماسىنىڭ ساقتالۋىن مەملەكەتتiك باقىلاۋ تەكسەرۋ جانە كاسىپورىندارعا بارۋ ارقىلى پروفيلاكتيكالىق باقىلاۋ نىسانىندا جۇزەگە اسىرىلادى.
- جۇمىسشىلاردىڭ قانداي قۇقىقتارى كوبىنەسە بۇزىلادى، ولارعا نە سەبەپ بولادى جانە ەڭبەك ينسپەكسياسى وسىعان قاتىستى قانداي شارالار قولدانادى؟
ەڭبەككە اقى تولەۋ جونىندەگى تالاپتاردى بۇزۋ، ياعني جۇمىس بەرۋشىنىڭ جۇمىسشىعا تولىق كولەمدە جانە ەڭبەك زاڭناماسىندا بەلگىلەنگەن مەرزىمدەردە ەڭبەك اقىنى تولەمەۋى، سول سياقتى جۇمىس بەرۋشىنىڭ كىناسىنان تولەمدى كەشىكتىرگەن كەزەڭى ءۇشىن ءوسىمپۇلدى ەسەپتەمەۋى جانە تولەمەۋى. سونىمەن قاتار ۇستەمە جۇمىسقا، مەرەكە جانە دەمالىس كۇندەرىندەگى جۇمىسقا اقى تولەۋ، سونداي-اق تۇنگى ۋاقىتتاعى ەڭبەككە اقى تولەۋ جونىندەگى تالاپتارىن بۇزۋ. بۇنداي قۇقىق بۇزۋشىلىق اكىمشىلىك جاۋاپكەرشىلىككە، ياعني اكىمشىلىك قۇقىق بۇزۋشىلىق تۋرالى كودەكسكە سايكەس 30دان باستاپ 150 ايلىق ەسەپتiك كورسەتكiش مولشەرiندە ايىپپۇل سالۋعا اكەپ سوعادى.
ماسەلەن، ەڭبەك كودەكسىنە سايكەس، جالاقى قازاقستان رەسپۋبليكاسىنىڭ ۇلتتىق ۆاليۋتاسىندا بەلگىلەنەدى جانە كەلەسى ايدىڭ ءبىرىنشى ونكۇندىگىنەن كەشىكتىرىلمەي ايىنا ءبىر رەتتەن سيرەتپەي تولەنەدى. جالاقى تولەنەتىن كۇن ەڭبەك، ۇجىمدىق شارتتاردا كوزدەلەدى. جالاقى تولەنەتىن كۇن دەمالىس نەمەسە مەرەكە كۇندەرىنە تۋرا كەلگەن كەزدە تولەم ولاردىڭ قارساڭىندا جۇرگىزىلۋى ءتيىس.
ەڭبەك شارتى توقتاتىلعان كەزدە، جۇمىس بەرۋشىدەن جۇمىسكەرگە تيەسىلى سومالاردى تولەۋ ول توقتاتىلعاننان كەيىنگى ءۇش جۇمىس كۇنىنەن كەشىكتىرىلمەي جۇرگىزىلۋى ءتيىس.
نەگىزگى سەبەپتەر رەتىندە سۋبەكتيۆتى جانە وبەكتيۆتى جاعدايلار كەزدەسىپ جاتادى. بىرىنشىسىنە كەي جۇمىس بەرۋشىلەردىڭ نەمقۇرايدىلىعىن نەمەسە ءوز مىندەتتەمەلەرىن بىلمەۋىن جاتقىزار بولساق. ەكىنشىسىنە كاسىپورىندارداعى شارتتىق قاتىناستاردان تۋىندايتىن مىندەتتەمەلەردى كونتراگەنتتەردىڭ ورىنداماۋى، قۇقىق قورعاۋ ورگاندارى تاراپىنان زاڭ بۇزۋشىلىقتارعا قاتىستى شەكتەۋلەر قويۋى سياقتى سەبەپتەر جاتادى.