اۋەجايدى باسىنا كوتەرگەن الماتىلىق

اۋەجايدا دورەكىلىك تانىتقان الماتىلىققا ءۇش بىردەي اكىمشىلىك حاتتاما تولتىرىلدى

بەيادەپ سوزدەر ايتىپ، تارتىپكە شاقىرعان پوليسەيلەردىڭ زاڭدى تالابىنا باعىنباعان جولاۋشى جاۋاپقا تارتىلدى، دەپ حابارلايدى Almaty-akshamy.kz.

استانا قالاسى اۋەجايىنداعى جەلىلىك پوليسيا بولىمىنە FlyArystan اۋەكومپانياسىنىڭ وكىلى «استانا – الماتى» باعىتىنداعى اۋە رەيسىنىڭ جولاۋشىلارىنىڭ بىرىنە قاتىستى شارا قولدانۋ تۋرالى شاعىمداندى. ونىڭ ايتۋىنشا، رەيسكە تىركەۋ كەزىندە ەر ادام ءوزىن دورەكى ۇستاعان جانە بالاعات سوزدەر ايتقان. كولىك پوليسەيلەرى تەكسەرۋ كەزىندە الماتى قالاسىنىڭ 36 جاستاعى تۇرعىنىن انىقتادى. ول پوليسيا بولىمىنە جەتكىزۋ كەزىندە ءتارتىپ ساقشىلارىنىڭ زاڭدى تالابىنا باعىنباعان، - دەپ جازىلعان حابارلامادا.

قۇقىق بۇزۋشىعا قاتىستى ق ر اقبتك-نىڭ 434-بابى (ۇساق بۇزاقىلىق)، 440-بابى (الكوگولدىك ىشىمدىكتەردى iشۋ نەمەسە قوعامدىق ورىندارعا ماساڭ كۇيدە كەلۋ)، 667-بابى (قۇقىق قورعاۋ ورگانى قىزمەتكەرىنىڭ زاڭدى وكىمىنە نەمەسە تالابىنا باعىنباۋ) بويىنشا بىردەن ءۇش اكىمشىلىك حاتتاما تولتىرىلىپ، 5 اەك مولشەرىندە ايىپپۇل سالىندى. 

ۇساق بۇزاقىلىق پەن باعىنباۋ بويىنشا ماتەريال شەشىم قابىلداۋ ءۇشىن الماتى قالاسىنىڭ اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنا جولداندى.