2023 جىلعى 1 قاراشاداعى دەرەكتەر بويىنشا رەسپۋبليكا بويىنشا ەڭبەك شارتتارىن ەسەپكە الۋدىڭ ءبىرىڭعاي جۇيەسى تىركەلگەن ەڭبەك شارتتارىنىڭ سانى 4 ملن 370 مىڭدى نەمەسە 90%-دى قۇرادى.
ەڭبەك شارتتارىن ەسەپكە الۋدىڭ ءبىرىڭعاي جۇيەسى ەڭبەك قاتىناستارىنىڭ اشىقتىعىن قامتاماسىز ەتەدى، قاراپايىم ەڭبەك شارتتارىنان عانا ەمەس، ولاردى جاساۋ ءۇشىن قاجەتتى باسقا دا قاعاز قۇجاتتاردان باس تارتۋعا مۇمكىندىك بەرەدى، دەپ حابارلايدى Almaty-akshamy.kz.
جۇمىسكەرلەر ءۇشىن ەلەكتروندىق ەڭبەك شارتتارى جۇيەسىن پايدالانۋ جۇمىسقا ورنالاسۋ پروسەسىنىڭ بارلىق كەزەڭدەرىن جەڭىلدەتۋگە مۇمكىندىك بەرەدى، سونىڭ ىشىندە قۇجاتتاردى جيناۋ قاجەتتىلىگى الىپ تاستالادى.
جۇمىس بەرۋشى ءۇشىن كادرلىق ءىس جۇرگىزۋ، ونىڭ ىشىندە جۇمىسكەرلەردى جالداۋ جانە اۋىستىرۋ وڭتايلاندىرىلادى. كانديداتتىڭ ەلەكتروندىق جەكە ىسىنە قول جەتكىزۋدىڭ ارقاسىندا ول جەكە كۋالىك، ءبىلىمى تۋرالى ديپلوم، ەڭبەك قىزمەتى، جۇمىس ءوتىلى جانە قىزمەتكەردىڭ بىلىكتىلىگى بويىنشا سەنىمدى دەرەكتەردى الا الادى. تيىسىنشە، قىزمەتكەرلەردى ىرىكتەۋ نەعۇرلىم ساپالى دەڭگەيدە جۇزەگە اسىرىلادى.
بۇدان باسقا، قازىرگى ۋاقىتتا ەڭبەك جاعدايلارىن جاقسارتۋ، قىزمەتكەرلەردىڭ قۇقىقتارىن ساقتاۋ ماسەلەلەرىندە جۇمىس بەرۋشى مەن قىزمەتكەرلەر اراسىنداعى ۇجىمدىق-شارتتىق قاتىناستارعا باسا نازار اۋدارىلادى. ۇجىمدىق شارتتاردىڭ نەگىزگى ماقساتى – قىزمەتكەرلەردىڭ الەۋمەتتىك جانە ەڭبەك قۇقىقتارىنا كەپىلدىك بەرۋ.
بۇگىنگى كۇندە قازاقستاننىڭ ءىرى جانە ورتا كاسىپورىندارىنىڭ 94،2%-ىندا ۇجىمدىق شارتتار جاسالدى. وڭىرلەردە ەڭبەك ينسپەكسياسى بارلىق كاسىپورىنداردا ۇجىمدىق شارتتار جاساسۋ بويىنشا تۇراقتى جۇمىس جۇرگىزەدى.
ەڭبەك شارتتارىن تىركەۋ hr.enbek.kz ەڭبەك رەسۋرستارى پورتالى ارقىلى جۇزەگە اسىرىلاتىنىن ەستەرىڭىزگە سالا كەتەيىك، ول ەلەكتروندىق ەڭبەك بيرجاسىنىڭ سيفرلىق جۇمىسپەن قامتۋ ەكوجۇيەسىنىڭ بولىگى بولىپ تابىلاتىن. بۇل ەكوجۇيە ازاماتتاردى كاسىبي جولىندا ماماندىق تاڭداۋدان باستاپ ەڭبەك قاتىناستارىن راسىمدەۋگە دەيىن سۇيەمەلدەيدى. ازاماتتار پورتالدا نەمەسە Enbek.kz قوسىمشاسىندا جۇمىس تابا الادى نەمەسە جۇمىسپەن قامتۋ سالاسىنداعى مەملەكەتتىك قىزمەتتەر الىپ، Skills.Enbek.kz ونلاين-وقىتۋ پلاتفورماسىندا جاڭا داعدىلاردى ۇيرەنەدى جانە Business.Enbek.kz پورتالىندا بيزنەس اشۋعا مەملەكەتتىك گرانت الا الادى، ول ءۇشىن تەك ءبىر ەسەپتىك جازباسى بولسا جەتكىلىكتى.
سونداي-اق، پورتال فۋنكسيونالىن Enbek HR ءموبيلدى قوسىمشاسى ارقىلى پايدالانۋعا بولادى.