بولگاريانىڭ سولتۇستىك-شىعىسىندا قالىڭ قار ءتۇسىپ، جول اپاتى تىركەلدى.
سالدارىنان 2 ادام قازا تاۋىپ، تاعى 36 كىسى جاراقات الدى. مىڭداعان ءۇي جارىقسىز وتىر. جولدار جابىلىپ، قالادا قوزعالىس شەكتەلدى. بۇل تۋرالى بالقان ەلىنىڭ پرەمەر-مينيسترى مالىمدەدى. ونىڭ سوزىنشە، تولاسسىز جاۋعان قاردىڭ ارتى قاتتى داۋىلعا ۇلاسقان. جەلدىڭ جوعارى ەكپىنىنەن اعاشتار جەرگە قۇلاپ جاتىر. كولىكتەر جولدا قارعا باتىپ قالعان. اسىرەسە، سولتۇستىك-شىعىستاعى 4 ايماقتا ءقاۋىپ دەڭگەيى جوعارى. جەرگىلىكتى بيلىك ەلدە توتەنشە جاعداي جاريالادى. ءقازىر 300-گە جۋىق ءبىلىم ۇيىمدارىندا جۇمىس توقتادى.