«ەڭبەك رەسۋرستارىن دامىتۋ ورتالىعى» اق بازاسىنداعى الەۋمەتتىك-ەڭبەك سالاسى ماسەلەلەرى جونىندەگى بايلانىس ورتالىعى 2024 جىلدىڭ باسىنان بەرى قازاقستان ازاماتتارىنا 140 مىڭنان استام كونسۋلتاسيا وتكىزدى.
بايلانىس ورتالىعىنىڭ قىزمەتكەرلەرى الەۋمەتتىك-ەڭبەك سالاسىنىڭ بارلىق ماسەلەسى بويىنشا تەگىن اقپاراتتىق-كەڭەس بەرۋ قىزمەتتەرىن، سونداي-اق aleumet.egov.kz الەۋمەتتىك قىزمەتتەر، enbek.kz ەلەكتروندىق ەڭبەك بيرجاسى، hr.enbek.kz ەڭبەك رەسۋرستارى، skills.enbek.kz ونلاين وقىتۋ، business.enbek.kz كاسىپكەرلىك باستامالاردى قولداۋ، migration.enbek.kz كوشى-قون پروسەستەرى بويىنشا پورتال پايدالانۋشىلارىنا تەحنيكالىق قولداۋ كورسەتەدى، دەپ حابارلايدى aqshamnews.kz ەڭبەك جانە حالىقتى الەۋمەتتىك قورعاۋ مينيسترلىگىنە سىلتەمە جاساپ.
بۇدان باسقا، بايلانىس ورتالىعىنان «ە-سوبەس» اقپاراتتىق جۇيەلەرىنىڭ، ەڭبەك شارتتارىن ەسەپكە الۋدىڭ ءبىرىڭعاي جۇيەسىنىڭ، مۇگەدەكتىگى بار ادامداردىڭ ورتالىقتاندىرىلعان دەرەكقورىنىڭ جۇمىس پرينسيپتەرى بويىنشا اقپارات الۋعا بولادى.
وتىنىشتەر كورسەتىلگەن پورتالداردا ماتىندىك فورماتتا جانە ءبىرىڭعاي بايلانىس ورتالىعىنىڭ 1414 ءنومىرى بويىنشا جۇمىس كۇندەرى ساعات 09:00-دەن 18:30-عا دەيىن قابىلدانادى. ايتا كەتۋ كەرەك، ءنومىردى تەرگەننەن كەيىن ءوتىنىش بەرۋشىنى «كەڭەس» روبوتىمەن بايلانىستىرادى، ول قازاق جانە ورىس تىلدەرىندە سونداي-اق قازاق-ورىس تىلدەرىن ارالاستىرىپ سويلەپ تۇرعانىن اجىراتا الاتىنداي ەتىپ ازىرلەنگەن. بايلانىس ورتالىعىنىڭ وپەراتورىمەن قوسىلۋ ءۇشىن نەگىزگى سوزدەردى ايتۋ قاجەت، اتاپ ايتقاندا: اتاۋلى كومەك، جۇمىسپەن قامتۋعا جاردەمدەسۋدىڭ بەلسەندى شارالارى، جۇمىسقا ورنالاستىرۋ، ەڭبەك شارتتارى زەينەتاقى، جاردەماقىلار، وڭالتۋ، ساناتوريي جانە ت. ب. نەمەسە ءوز سۇراعىڭىزدى انىق جانە ناقتى ايتىڭىز، مىسالى، «قاتە ەنگىزىلگەن ەڭبەك شارتىن قالاي جويۋعا بولادى؟»، «كۋرستاردىڭ اۆتورى بولۋ ءۇشىن نە ىستەۋ قاجەت؟»، «مەملەكەتتىك گرانتتى قالاي الۋعا بولادى؟» جانە ت. ب.
بايلانىس ورتالىعى ارقىلى كەڭەس بەرۋ ءۇش دەڭگەيلى فورماتتا جۇمىس ىستەيدى.
1-جەلىدە وپەراتورلار جۇيەگە كەلىپ تۇسكەن ماتىندىك جانە داۋىستىق وتىنىشتەردى تىركەيدى جانە ولار بويىنشا كونسۋلتاسيالار بەرەدى، قاجەت بولعان جاعدايدا وتىنىشتەردى 2-جەلىگە باعىتتايدى.
2-جەلىدە تالداۋشىلار كەلىپ تۇسكەن وتىنىشتەردى تەحنيكالىق قولداۋ بويىنشا تالداۋدى، پورتالداردا جانە اقپاراتتىق جۇيەلەردە دەرەكتەردى تەكسەرۋدى جۇزەگە اسىرادى. بۇل كەزەڭدە ءوتىنىشتى وڭدەۋ مەرزىمى 2 جۇمىس كۇنىنە دەيىن سوزىلادى. قانداي دا ءبىر وزگەرىستەر نەمەسە تۇزەتۋلەر ەنگىزۋ قاجەت بولعان جاعدايدا ءوتىنىش 3-جەلىگە بەرىلەدى.
3-جەلىگە ەردو دەپارتامەنتتەرىنىڭ قىزمەتكەرلەرى بەكىتىلدى، ولار سۇراۋ سالۋدى جابۋ جونىندەگى تۇسىنىكتەمەنى مىندەتتى تۇردە كورسەتە وتىرىپ، قاجەتتى جۇمىستاردىڭ كۇردەلىلىگىنە بايلانىستى 1-دەن 10 جۇمىس كۇنىنە دەيىنگى مەرزىمدە سۇراۋ سالۋلاردى پىسىقتاۋدى قامتاماسىز ەتەدى.
ماسەلەن، 2024 جىلى 140 مىڭ كونسۋلتاسيانىڭ 116 مىڭى 1-جەلىدە وتكىزىلدى. 2-جەلىدە تەحنيكالىق قولداۋمەن 21 مىڭ ءوتىنىم جابىلدى، ال 3-جەلىدە – 3 مىڭ ءوتىنىم جابىلدى.
بايلانىس ورتالىعىنا كوبىنەسە زەينەتكەرلەر، مۇگەدەكتىگى بار ازاماتتار، قىزمەت نەمەسە تاۋار جەتكىزۋشىلەر، قامقورشىلار، جۇمىسسىزدار، الەۋمەتتىك كومەك الۋشىلار، جۇمىس ىزدەۋشىلەر، جۇمىس بەرۋشىلەر جۇگىنەدى.
ەڭ ءجيى قويىلاتىن سۇراقاتار: زەينەتاقى مەن جاردەماقى الۋ، جۇمىس ىزدەپ جۇرگەن ادام رەتىندە تىركەلۋ، جۇمىس ورىندارىن سۋبسيديالاۋعا ءوتىنىم بەرۋ، ەلەكتروندىق ەڭبەك شارتىن تىركەۋ، الەۋمەتتىك قىزمەتتەر پورتالىندا ساناتورييلىك-كۋرورتتىق ەمدەۋدى جانە جەكە كومەكشى قىزمەتىن رەسىمدەۋ جانە ت.ب.