"نازار اۋدارىڭىز! ءقاۋىپتى جۇك" پروفيلاكتيكالىق ءىس - شاراسى اياسىندا 7،5 ملن. تەڭگە ايىپپۇل ءوندىرىلدى.
اكسيا باستالعالى بەرى 50 تاسىمالداۋشىعا ءقاۋىپتى جۇكتەردى تاسىمالداۋ ەرەجەلەرىن بۇزعانى ءۇشىن ايىپپۇل سالىندى، دەپ حابارلايدى aqshamnews.kz.
كولىك مينيسترلىگىنىڭ اقپاراتىنا ساي، رەيدتىك ءىس-شارالار الماتى، اقتوبە جانە باتىس قازاقستان وڭىرلەرىندە وتكىزىلدى. تامىز ايىنىڭ سوڭىنا دەيىن اكسيا ەلىمىزدىڭ باسقا وبلىستارىندا دا وتەدى.
بۇل ءىس-شارا كولىك مينيسترلىگى اۆتوموبيل كولىگى جانە كولىكتىك باقىلاۋ كوميتەتىنىڭ باستاماسىمەن جۇرگىزىلۋدە.
اكسيانىڭ ماقساتى — ءقاۋىپتى جۇكتەردى تاسىمالداۋ قاۋىپسىزدىگىن قامتاماسىز ەتۋ جانە ءقاۋىپتى جۇكتەردى تاسىمالداۋدى جۇزەگە اسىراتىن جەكە جانە زاڭدى تۇلعالاردىڭ قازاقستان رەسپۋبليكاسىنىڭ كولىك زاڭناماسىن ساقتاۋىن قاداعالاۋ.
ينسپەكتورلار تىركەۋ قۇجاتتارىنىڭ، جول پاراقتارىنىڭ، جۇرگىزۋشىگە ارنالعان نۇسقاۋلىقتاردىڭ، ءقاۋىپتى جۇكتەردى تاسىمالداۋعا رۇقسات بەرەتىن كۋالىكتىڭ بولۋىن تەكسەرەدى.
ەستەرىڭىزگە سالا كەتەيىك، "اۆتوموبيل كولىگى تۋرالى" ق ر زاڭىنا سايكەس تاسىمالداۋ، تيەۋ-تۇسiرۋ جۇمىستارىن جۇرگiزۋ جانە ساقتاۋ كەزiندە ولارعا ءتان ەرەكشەلىكتەرگە بايلانىستى تەحنيكالىق قۇرالداردىڭ، قۇرىلعىلاردىڭ، عيماراتتار مەن قۇرىلىستاردىڭ جارىلۋىنا، ورتەنۋىنە نەمەسە ءبۇلiنۋiنە، سونداي-اق ادامداردىڭ، جانۋارلاردىڭ ءولiم-جiتiمiنە، جاراقات الۋىنا جانە اۋرۋىنا سەبەپ بولۋى، قورشاعان تابيعي ورتاعا زيان كەلتiرۋi مۇمكiن كەز كەلگەن زاتتار، ماتەريالدار، بۇيىمدار، ءوندiرiستىك جانە وزگە دە قىزمەت قالدىقتارى قاۋiپتi جۇكتەر دەپ تانىلادى.