امەريكا قۇراما شتاتتارىندا 58 جاستاعى ەر ادامنىڭ جۇرەگى تيتاننان جاسالعان جۇرەكپەن العاش رەت ءساتتى اۋىستىرىلدى، دەپ حابارلايدى aqshamnews.kz
عالىمدار العاش رەت ادامعا ترانسپلانتاسيالانعان تيتان جۇرەگىنىڭ قالاي جۇمىس ىستەيتىنىن ءتۇسىندىردى.
بۇل جايىندا islam.kz پورتالى ScienceAlert اقپارات كوزىنە سىلتەمە جاساي وتىرىپ ءمالىم ەتكەن. BiVACOR ازىرلەگەن بۇل قۇرىلعى بەرىكتىگى مەن سەنىمدىلىگى بويىنشا الەمدە تەڭدەسى جوق يننوۆاسيالىق ۋاقىتشا قان سورعىشى بولىپ تابىلادى. تەمىر ادام فيلمدەرىندەگىدەي كورىنەتىن تيتان جۇرەك شىنايى جۇرەكتىڭ سوعۋ ىرعاعىن سالمايدى نەمەسە يميتاسيالامايدى. ول ماگنيتتىك كوتەرىلەتىن روتورمەن جابدىقتالعان، ناقتى ءبىر بايلانىسسىز جانە بولشەكتەردىڭ توزۋىنسىز قاننىڭ ۇزدىكسىز سورىلۋىن قامتاماسىز ەتەدى. بۇل مەحانيزم اۋىر جۇرەك اقاۋىنان زارداپ شەگەتىن ناۋقاستارعا دونورلىق جۇرەك سالىنعانشا، ياعني، ۋاقىتشا پايدالانىلادى. جاساندى جۇرەكتىڭ نەگىزىن قۇرايتىن تيتان كورروزياعا جانە مەحانيكالىق توزۋعا وتە ءتوزىمدى.
قۇرىلعى پايدالانۋشى وزىمەن بىرگە الىپ جۇرەتىن سىرتقى قول كونتروللەرى ارقىلى قۋات الادى. بۇل جۇيە پاسيەنتتەرگە ترانسپلانتاسيانى كۇتۋ كەزىندە بەلسەندى ءومىر سالتىن ساقتاۋعا مۇمكىندىك بەرەدى. بۇل قۇرىلعىنى زەرتتەۋ جانە سىناۋ مەرزىمى ادامعا العاش رەت يمپلانتاسيالانعان كەزگە دەيىن 10 جىل بويى جالعاستى. دونورلىق جۇرەكتى ترانسپلانتاسيالاۋدان 8 كۇن بۇرىن تيتان جۇرەگى پاسيەنتتىڭ ومىرلىك ماڭىزدى فۋنكسيالارىن قامتاماسىز ەتتى. بۇل جاڭالىق ترانسپلانتاسيا جانە كارديوحيرۋرگيا سالاسىنداعى ماڭىزدى جەتىستىك بولدى.