الماتىدا ءبىر تۇندە قورقور شەككەن 100-دەن استام ازاماتقا ايىپپۇل سالىندى، – دەپ حابارلايدى aqshamnews.kz.
الماتى پوليسياسى قورقورلارعا قاتىستى جاسالعان اۋقىمدى رەيدتىڭ قالاي وتكەنىن ايتىپ بەردى. ءبىر تۇندە 100-دەن استام كاليان شەگۋشىگە ايىپپۇل سالىندى.
– تەمەكى ونىمدەرىن پايدالانۋداعى زاڭ بۇزۋشىلىقتاردى انىقتاۋ ماقساتىندا ويىن-ساۋىق مەكەمەلەرىندە جەرگىلىكتى رەيدتەر جۇرگىزىلدى. بارلىعى 12 بار، كلۋب جانە ءدامحانا تەكسەرىلدى. كاليان شەككەنى ءۇشىن 102 ادام اكىمشىلىك جاۋاپكەرشىلىككە تارتىلدى. مەكەمەلەردەن بارلىعى 96 كاليان قۇرىلعىسى تاركىلەندى، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى ايتان ەلەۋسىزوۆ.
ەسكە سالايىق، قوعامدىق ورىنداردا كاليان شەگۋگە تىيىم سالۋدى ەنگىزۋ تۋرالى قاۋلى 2013 جىلدىڭ 14 ناۋرىزىندا كۇشىنە ەنگەن بولاتىن. ءبىراق جاستار، قوعامدىق تاماقتاندىرۋ ورىندارىندا، تۇنگى كلۋبتار مەن بارلاردا حوش ءيىستى تۇتىنمەن تىنىستاۋدى جالعاستىرۋدا. ق ر اقبتك-نىڭ 441-بابىندا كوزدەلگەن بۇزۋشىلىقتار انىقتالسا، كاليان شەگەتىن ادامدارعا 15 اەك كولەمىندە ايىپپۇل سالىنادى. قايتالاپ بۇزعان جاعدايدا – 20 اەك. ال مەكەمە يەلەرىنە 20-دان 60 اەك-كە دەيىن ايىپپۇل سالىنادى.