وندا ءومىردىڭ ءتۇرلى كەزەڭدەرىندە، ومىرلىك جاعدايعا بايلانىستى كورسەتىلەتىن الەۋمەتتىك قورعاۋ جانە قولداۋ شارالارىنىڭ بارلىق كەشەنى جۇيەلەندىرىلەتىن بولادى.
ق ر ەڭبەك جانە حالىقتى الەۋمەتتىك قورعاۋ ءمينيسترى سەرىك شاپكەنوۆ حالىققا ەسەپ بەرۋ كەزدەسۋىندە قازاقستاننىڭ الەۋمەتتىك قامسىزداندىرۋ جۇيەسىن ساپالى جاقسارتۋعا باعىتتالعان الەۋمەتتىك كودەكستى ازىرلەۋ ءۇشىن قالىپتاستىرىلعان نەگىزگى تاسىلدەر تۋرالى ايتىپ بەردى، دەپ حابارلادى Almaty-akshamy.kz.
سەرىك شاپكەنوۆ مەملەكەت باسشىسىنىڭ تاپسىرماسى بويىنشا ەڭبەكمينى الەۋمەتتىك كودەكستى ازىرلەۋ بويىنشا جۇمىس جۇرگىزىلىپ جاتقانىن ەسكە سالدى.
«الەۋمەتتىك كودەكس تۇجىرىمداماسى ازىرلەندى، وندا الەۋمەتتىك قامسىزداندىرۋ جۇيەسىن ساپالى جاقسارتۋعا باعىتتالعان نەگىزگى تاسىلدەر قالىپتاستىرىلدى»، – دەپ حابارلادى مينيستر.
ەڭبەكمينى باسشىسىنىڭ ايتۋىنشا، الەۋمەتتىك كودەكس تۇجىرىمداماسىندا:
- الەۋمەتتىك قۇقىقتار مەن كەپىلدىكتەردى قامتاماسىز ەتۋ جونىندەگى شارالاردى كۇشەيتۋ (ازاماتتاردىڭ قۇقىقتىق ساۋاتتىلىعىن ارتتىرۋ؛ مۇقتاج وتباسىلاردى الەۋمەتتىك قولداۋ ينستيتۋتىن دامىتۋ؛ حالىقتىڭ الەۋمەتتىك ءال-اۋقات يندەكسىن ەنگىزۋ)؛
- ازاماتتاردى الەۋمەتتىك قولداۋدى جاڭعىرتۋ (الەۋمەتتىك قامسىزداندىرۋدىڭ حالىقارالىق ەڭ تومەنگى نورمالارىنان كەم ەمەس دەڭگەيدە الەۋمەتتىك تولەمدەردى قامتاماسىز ەتۋ؛ الەۋمەتتىك قىزمەتتەردى جان باسىنا قارجىلاندىرۋدى ەنگىزۋ)؛
- الەۋمەتتىك ستاندارتتاردى ۇسىنۋدىڭ ينتەگراسيالانعان مودەلىن ەنگىزۋ («سيفرلىق الەۋمەتتىك كارتانى» ەنگىزۋ؛ الەۋمەتتىك سالانىڭ باعىتتارى بويىنشا الدىن الۋ شارالارىن قابىلداۋ)؛
- مەملەكەتتىك قىزمەتتەردى ترانسفورماسيالاۋ جانە ولاردىڭ رەينجينيرينگى (ءوتىنىش بەرۋدەن پرواكتيۆتى قىزمەت كورسەتۋگە كوشۋ؛ سىرتتاي كۋالاندىرۋ، اتاۋلى الەۋمەتتىك كومەك كورسەتۋ پروسەستەرىن اۆتوماتتاندىرۋ)؛
- الەۋمەتتىك ينستيتۋتتاردى رەفورمالاۋ كوزدەلەدى (زەينەتاقى مەن جاردەماقى تاعايىنداۋ جونىندەگى فۋنكسيالاردى بەرە وتىرىپ، مەملەكەتتىك الەۋمەتتىك ساقتاندىرۋ قورى بازاسىندا مەملەكەتتىك الەۋمەتتىك قور قۇرۋ؛ الەۋمەتتىك سالانىڭ قارجى اعىندارىن (رب جانە بيۋدجەتتەن تىس قورلار قاراجاتىن) شوعىرلاندىرۋ).
«الەۋمەتتىك كودەكستى قابىلداۋ كەلەشەكتە ازاماتتاردىڭ وزدەرىنىڭ الەۋمەتتىك قۇقىقتارى مەن مىندەتتەرى تۋرالى ءبىرىڭعاي ءبىلىم كوزىن قۇرۋعا؛ الەۋمەتتىك قۇقىقتار مەن كەپىلدىكتەردى قامتاماسىز ەتۋ بويىنشا الدىن الۋ شارالارىن قابىلداۋعا؛ ازاماتتاردىڭ الەۋمەتتىك قورعالۋىن ارتتىرۋعا مۇمكىندىك بەرەدى»، – دەپ اتاپ ءوتتى سەرىك شاپكەنوۆ.