قالادا جاسىل جەلەكتەر دەرەكتەرىنىڭ بازاسى جاسالۋدا
الماتى اكىمى باقىتجان ساعىنتايەۆ «الماتى» تا-داعى كەزەكتى تىكەلەي ەفير بارىسىندا قالانى باسقارۋ جونىندەگى سيفرلى جوبالار تۋرالى ايتتى.
قوعامدىق كولىكتەردىڭ قوزعالىسى جونىندەگى اقپارات نەگىزىندە قالالىقتاردىڭ بەلسەندىلىك بازاسىن قالىپتاستىرۋ تۋرالى شەشىم قابىلداندى. بۇل قالا تۇرعىندارىنىڭ قادامدىق قولجەتىمدى قىزمەتتەرگە دەگەن سۇرانىستارىن ورىنداۋ ءۇشىن قاجەت. وسىلايشا، قالانىڭ جۇكتەمەسىن جول ينفراقۇرىلىمىن دامىتۋ ارقىلى عانا ەمەس، سونىمەن قاتار ءار اۋداندا تەپە-تەڭ بيزنەس ورتانى قۇرۋ ارقىلى جەڭىلدەتۋگە بولادى، دەپ حابارلادى Almaty-akshamy.kz.
ينتەراكتيۆتى كارتانى قالالىقتارعا قولجەتىمدى ەتۋ جوسپارلانۋدا، بۇل كاسىپكەرلەرگە الەۋمەتتىك-تۇرمىستىق نەمەسە ساۋدا نىساندارىن قاي جەردە اشۋعا بولاتىنىن وزدەرىنىڭ شەشۋىنە مۇمكىندىك بەرەدى.
جاسىل قالا مارتەبەسىن ساقتاۋ ءۇشىن ءار اعاشتىڭ ءتولقۇجاتىن ازىرلەۋ بويىنشا قۇرۋ جۇمىستار جۇرۋدە. بۇل قالانىڭ جاسىل قورىن ءتيىمدى باسقارۋعا مۇمكىندىك بەرەدى. ول ءۇشىن ەكپەلەردى ەلەكتروندىق ەسەپكە الۋ جۇيەسى ەنگىزىلۋدە. جۇيە اعاش وتىرعىزاتىن الاڭدارعا، ونىڭ ىشىندە وتەمدىك ۋچاسكەلەرگە مونيتورينگ جۇرگىزۋگە مۇمكىندىك بەرەدى.
الماتىدا سيفرلاندىرۋ دامىعان كەزدە ءتۇرلى اقپاراتتىق جۇيەلەردەن مالىمەتتەر جيناقتالادى، ولاردى قالا يگىلىگى ءۇشىن باسقارۋ كەرەك. وسىعان وراي ءۇش ۇلكەن تاپسىرمانى شەشۋگە مۇمكىندىك بەرەتىن ءبىرىڭعاي مالىمەتتەر بازاسى جاسالادى، ولار:
- الدا تۇرعان مىندەتتەردى شەشۋ ءۇشىن باسقارۋدىڭ سيفرلىق نەگىزدەگى دەرەكتەر بازاسىن قۇرۋ؛
- قالانىڭ ءتۇرلى باسقارمالارى اراسىندا اقپارات الماسۋ جونىندەگى جۇمىستى ىڭعايلى جانە جىلدام ەتۋ؛
- ءىت الاڭى، قورعالعان ورتا ارقىلى پايدالانۋشىلاردىڭ مالىمەتتەر نەگىزىندە جاڭا جوبالاردى جاساۋلارى ءۇشىن سىرتقى پايدالانۋشىلارعا مالىمەتتەر بەرۋ.