اتالعان ۇسىنىستار قولداۋ تاپتى.
قالانىڭ تاۋلى اۋداندارىندا قۇرىلىسقا تىيىم سالۋ ماسەلەسىن الماتىنىڭ مامانداندىرىلعان تابيعات قورعاۋ پروكۋراتۋراسى كوتەردى. ورگان تاۋلى ايماقتا قۇرىلىس پەن الما باقتاردى كەسۋ جاعدايلارىنىڭ جيىلەپ كەتۋىنە بايلانىستى تالداۋ جۇرگىزگەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆو وكىلدەرىنىڭ ايتۋىنشا، بۇرىن جەر پايدالانۋشىلارعا مەنشىك قۇقىعى بەرىلىپ، قۇرىلىسقا تىيىم سالۋ ءۇشىن زاڭنامالىق نەگىزدەر بولماعان.
«وسى ماسەلەنى تالداۋ قورىتىندىلارى بويىنشا ءبىز قالا اكىمدىگىنە تاۋلى جەردەگى جەر ۋچاسكەلەرىن رەكرەاسيالىق ايماققا جاتقىزۋ ماسەلەسىن قاراۋدى ۇسىنىپ، قاداعالاۋ اكتىسىن ەنگىزدىك. بۇل زاڭ بويىنشا كورسەتىلگەن ايماقتا جاڭا وبەكتىلەردىڭ قۇرىلىسىنا تىيىم سالۋعا مۇمكىندىك بەرەدى. اتالعان ۇسىنىستار قولداۋ تاپتى. ەندى اكىمدىك ەگجەي-تەگجەيلى جوسپارلاۋ جانە قالا قۇرىلىسىنىڭ باس جوسپارىنا ءتيىستى وزگەرىستەر ەنگىزەدى. ولار وسى جىلدىڭ ماۋسىمىندا بەكىتىلۋى كەرەك. سونداي-اق، وسى تالداۋ بارىسىندا وبسەرۆاتوريا كوشەسىندە تۇرعىن ءۇي قۇرىلىسى كەزىندە الما باقتارىن زاڭسىز كەسۋ دەرەگى انىقتالدى. مەدەۋ اۋداندىق پوليسيا باسقارماسى اتالعان دەرەك بويىنشا سوتقا دەيىنگى تەرگەۋدى باستادى»، - دەپ حابارلادى تابيعات قورعاۋ پروكۋراتۋراسىنان.