مەملەكەت باسشىسىنىڭ جارلىعىمەن سۆەتلانا قابىكەن قىزى جاقىپوۆا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ ءمينيسترى لاۋازىمىنان بوساتىلدى، دەپ حابارلايدى Aqshamnews.kz ءتىلشىسى اقورداعا سىلتەمە جاساپ.
رەسمي قۇجاتقا سايكەس، سۆەتلانا جاقىپوۆا اتالعان قىزمەتتى 2023 جىلعى 2 قىركۇيەكتەن باستاپ اتقارىپ كەلگەن.
سۆەتلانا قابىكەن قىزى جاقىپوۆا 1968 جىلى قاراعاندى وبلىسىندا تۋعان. سەلينوگراد مەملەكەتتىك پەداگوگيكالىق ينستيتۋتىن جانە الماتى ەكونوميكا جانە ستاتيستيكا اكادەمياسىن ءتامامداعان.
ەڭبەك جولىن 1984 جىلى قاراعاندى وبلىسىنداعى قاروي ورتا مەكتەبىندە ءمۇعالىم بولىپ باستاعان. 1997–2008 جىلدارى «زەينەتاقى تولەۋ جونىندەگى ورتالىعى» رمقك جۇيەسىندە اعا ماماننان باستاپ ديرەكتورعا دەيىن ءتۇرلى لاۋازىمدار اتقارعان.
2008–2011 جىلدارى مينيسترلىكتىڭ الەۋمەتتىك قورعاۋ جانە الەۋمەتتىك ساقتاندىرۋ دەپارتامەنتىن باسقارعان. 2013–2019 جىلدارى ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى بولدى. كەيىن بۇۇ دامۋ باعدارلاماسىندا ۇلتتىق ساراپشى قىزمەتىن اتقارىپ، 2023 جىلى پرەزيدەنت جانىنداعى الەۋمەتتىك وسال ساناتتاردىڭ قۇقىقتارى جونىندەگى ۋاكىل رەتىندە جۇمىس ىستەگەن.