ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا باتىس قازاقستان وبلىسىنا جۇمىس ساپارى اياسىندا «زەنيت» ورال زاۋىتى» اق ەڭبەك ۇجىمىمەن كەزدەسۋ وتكىزدى.
ول ەڭبەك جاعدايلارى زياندى جۇمىستاردا ۇزاق ۋاقىت بويى جۇمىس ىستەگەن قازاقستاندىقتارعا ارنالعان ارناۋلى الەۋمەتتىك تولەم جانە 2030 جىلعا دەيىنگى ءقاۋىپسىز ەڭبەك تۇجىرىمداماسى تۋرالى باياندادى.
كاتەرلەر، كەمەلەر جانە مۇناي-گاز سەكتورىندا جۇمىس ىستەيتىن كومپانيالارعا ارنالعان جابدىقتار وندىرۋگە ماماندانعان كاسىپورىندا 788 ادام جۇمىس ىستەيدى، ورتاشا جالاقىسى 250 مىڭ تەڭگەنى قۇرايدى. ۇجىممەن كەزدەسۋ بارىسىندا سۆەتلانا جاقىپوۆا ۇزاق ۋاقىت بويى ەڭبەك جاعدايلارى زياندى جۇمىستا ىستەگەن ادامداردى الەۋمەتتىك قورعاۋ دەڭگەيىن ارتتىرۋ ءۇشىن قازاقستاندا 2024 جىلعى 1 قاڭتاردان باستاپ مەملەكەت باسشىسىنىڭ تاپسىرماسى بويىنشا ەنگىزىلگەن ارناۋلى الەۋمەتتىك تولەمدى (بۇدان ءارى – ءاات) تاعايىنداۋ شارتتارى تۋرالى ەگجەي-تەگجەيلى ايتىپ بەردى.
ءاات تاعايىنداۋ ءۇشىن 55 جاسقا تولۋ جانە ءبىرىڭعاي جيناقتاۋشى زەينەتاقى قورىندا (يۋۇجان ءارى – بجزق) كەمىندە 7 جىل كاسىپتىك زەينەتاقى اۋدارىمدارىنىڭ بولۋى مىندەتتى شارتتار بولىپ تابىلادى. تولەم زەينەتكەرلىك جاسقا دەيىن تولەنەدى. ارناۋلى الەۋمەتتىك تولەمدەردى الۋ ءۇشىن ەڭبەك جاعدايلارى زياندى جۇمىستارمەن اينالىسپاۋعا ءتيىس. جۇمىسكەرلەر جەڭىل جۇمىسقا اۋىسا الادى، سودان كەيىن ولار جالاقى مەن تولەم الادى نەمەسە دەمالىسقا شىعىپ، زەينەتكە شىققانعا دەيىن ارناۋلى الەۋمەتتىك تولەمدەر الادى.
بجزق دەرەكتەرى بويىنشا ءاات تاعايىنداۋ ءۇشىن مىندەتتى شارتتاردى ەسكەرە وتىرىپ، وعان 2024 جىلى 37 مىڭنان استام جۇمىسكەر، 2030 جىلى – 58 مىڭنان استام، 2035 جىلى – 95 مىڭنان استام جۇمىسكەر ۇمىتكەر بولا الادى. وسىلايشا، الەۋەتتى تولەم الۋشىلار سانى جىل سايىن ۇلعايادى.
الدىن الا دەرەكتەر بويىنشا، 2024 جىلى ارناۋلى الەۋمەتتىك تولەمنىڭ ورتاشا مولشەرى جالپى العاندا 208 مىڭ تەڭگەدەن اسادى. ءاربىر جۇمىسكەر ءۇشىن تولەم مولشەرى بجزق-داعى جيناقتارعا بايلانىستى بولادى. بۇل رەتتە جىل سايىن ارناۋلى الەۋمەتتىك تولەم مولشەرى ەڭ تومەن كۇنكورىس مولشەرىنىڭ ۇلعايۋىنا بايلانىستى وسەدى. الدىن الا ەسەپتەۋلەر بويىنشا 2030 جىلى تولەمنىڭ ورتاشا مولشەرى 339 مىڭ تەڭگەنى، ال 2035 جىلى – 519 مىڭ تەڭگەنى قۇرايدى.
«2024 جىلعى 11 ناۋرىزداعى جاعداي بويىنشا رەسپۋبليكا بويىنشا 1 156 تولەم الۋشىعا 244،9 ملن تەڭگە سوماسىنا 2 661 تولەم بەرىلدى. ونىڭ ىشىندە باتىس قازاقستان وبلىسى بويىنشا 10 الۋشىعا 2،3 ملن تەڭگە سوماسىندا تولەم جۇرگىزىلدى»، – دەدى سۆەتلانا جاقىپوۆا.
سونداي-اق، مينيستر وتكەن جىلدىڭ سوڭىندا ۇكىمەتتىڭ قاۋلىسىمەن 2030 جىلعا دەيىنگى ءقاۋىپسىز ەڭبەك تۇجىرىمداماسى بەكىتىلگەنىن حابارلادى.
قۇجات تاۋەكەلگە باعدارلانعان ءتاسىل نەگىزىندە ەڭبەكتى قورعاۋدى باسقارۋدىڭ ۇلتتىق جۇيەسىن جاڭعىرتۋدى، كاسىپتىك تاۋەكەلدەردى تومەندەتۋ جونىندەگى شارالاردى ەكونوميكالىق ىنتالاندىرۋدى، ەڭبەكتى قورعاۋ سالاسىنداعى كاسىپتىك قۇزىرەتتەر مەن عىلىمي الەۋەتتى دامىتۋدى، ەڭبەكتى قورعاۋ سالاسىنداعى باقىلاۋ مەن مونيتورينگتىڭ تيىمدىلىگىن ارتتىرۋدى كوزدەيدى.
تۇجىرىمدامانى ىسكە اسىرۋ وندىرىستىك جاراقاتتانۋ دەڭگەيىن، ەڭبەكتى قورعاۋ سالاسىنداعى بۇزۋشىلىقتار سانىن ازايتۋعا جانە ەڭبەك جاعدايلارى زياندى جانە ءقاۋىپتى جۇمىس ورىندارىنىڭ سانىن ازايتۋعا ىقپال ەتەتىن بولادى.
«قازىرگى ۋاقىتتا كاسىپورىنداردىڭ سيفرلىق كارتاسى قۇرىلدى، ول 2024 جىلعى 1 شىلدەدەن باستاپ ناقتى ۋاقىت رەجيمىندە ەڭبەك جاعدايلارىنا مونيتورينگ جۇرگىزۋگە مۇمكىندىك بەرەدى. مونيتورينگ ءۇشىن مالىمەتتەردى مەملەكەتتىك ەڭبەك ينسپەكتورلارىمەن قاتار كاسىپوداقتار دا ەنگىزەتىن بولادى. ولار ءۇشىن كاسىپورىندار كارتاسىندا جەكە جۇمىس ورنى قۇرىلادى.
بارلىق بيزنەس-پروسەستەر اۆتوماتتاندىرىلادى. بۇل جۇمىس ورنىن باعالاۋ، جەكە قورعانىش قۇرالدارىن جانە باسقا كەپىلدىكتەردى ۇسىنۋ، بارلىق دەڭگەيدەگى ەڭبەكتى قورعاۋ تۋرالى ءبىلىمدى تەكسەرۋ. وسى شارالاردى قابىلداۋ ناتيجەسىندە وندىرىستىك جاراقاتتانۋ كورسەتكىشتەرى تومەندەيدى دەپ كۇتىلۋدە»، – دەدى ەحاقم باسشىسى.
كەزدەسۋ سوڭىندا سۆەتلانا جاقىپوۆا كاسىپورىن قىزمەتكەرلەرىنىڭ بارلىق سۇراقتارىنا جاۋاپ بەردى.