مەكتەپكە دەيىنگى ۇيىمدارداعى بوس ورىنداردى ءبولۋ كەزىندە سىبايلاس جەمقورلىقتىڭ قۇرامداس بولىكتەرىن جويۋ ماقساتىندا كەزەكتىلىكتى ەسەپكە الۋدىڭ ءبىرىڭعاي بازاسى ازىرلەندى.
جوبا قازىرگى تاڭدا قاراعاندى وبلىسى شاحتينسك قالاسىندا، سولتۇستىك قازاقستان وبلىسى پەتروپاۆل قالاسىندا، اتىراۋ جانە شىمكەنت قالالارىندا، سونىمەن قاتار پاۆلودار وبلىسىنىڭ 8 اۋدانىندا پيلوتتىق رەجيمدە ىسكە اسىرىلۋدا، دەپ حابارلايدى Almaty-akshamy.kz وقۋ-اعارتۋ مينيسترلىگىنە سىلتەمە جاساپ.
جاڭا مودەل وتباسىلىق سۇرانىستارعا نەگىزدەلگەن ءتورت بالاباقشانى تاڭداۋعا مۇمكىندىك بەرەدى. پيلوتتىق جوبا اياقتالعان سوڭ كەزەكتىلىكتى ەسەپكە الۋدىڭ ءبىرىڭعاي بازاسى ەلىمىزدىڭ بارلىق اۋماعىندا قولجەتىمدى بولادى.
