ولارعا 1 ملرد 754،5 ملن تەڭگە تولەندى.
جىل باسىنان بەرى مەملەكەتتىك ەڭبەك ينسپەكتورلارى 6،8 مىڭنان استام جۇمىسكەردىڭ قۇقىعىن قورعادى، دەپ حابارلايدى Almaty-akshamy.kz.
«وسى جىلعى 1 ماۋسىمداعى جاعداي بويىنشا، مەملەكەتتىك ەڭبەك ينسپەكتورلارى رەسپۋبليكانىڭ 434 كاسىپورنىندا 8،8 مىڭ جۇمىسكەردىڭ الدىندا 1 ملرد 996 ملن تەڭگەدەن استام سوماعا جالاقى بويىنشا بەرەشەكتى انىقتادى»، - دەلىنگەن ەڭبەكمينى باسپا ءسوز قىزمەتىنىڭ حابارلاماسىندا.
وسى كاسىپورىنداردىڭ باسشىلارىنا ورىندالۋى مىندەتتى 298 نۇسقاما بەرىلىپ، 52،5 ملن تەڭگەدەن استام سوماعا ايىپپۇل سالىندى.
قابىلدانعان شارالار، سونىڭ ىشىندە جالاقى بويىنشا بەرەشەكتى وتەۋدىڭ قاتاڭ ساقتالۋى ءتيىس كەستەلەرى مەن مەرزىمدەرىن بەلگىلەۋ ناتيجەسىندە 6،8 مىڭنان استام جۇمىسكەردىڭ قۇقىقتارى قورعالدى. ولارعا 1 ملرد 754،5 ملن تەڭگە تولەندى.