مۇگەدەكتەردىڭ مۇمكىندىگى ارتادى.
ولاردى ەرتىپ جۇرەتىندەردىڭ شىعىنى 70 پايىزعا وتەلەدى. شيپاجايعا بەرىلگەن تەگىن جولدامانى پايدالانا المايتىنداردىڭ سانى دا ازايادى. سونداي-اق اۆتوبۋس پاركتەرى پاندۋستارى بار قوعامدىق كولىكتەر ساتىپ الۋعا مىندەتتەلەدى، دەپ حابارلايدى Almaty-akshamy.kz
I جانە II توپتاعىلارمەن قوسا III توپتاعى مۇگەدەكتەرگە دە نوتاريۋس قىزمەتى تەگىن بولادى. ولاردىڭ مۇگەدەكتىگىن انىقتاۋ بويىنشا ساراپتاما سىرتتاي جۇرگىزىلەدى.
«زاڭ جوباسى مۇمكىندىگى شەكتەۋلى ادامداردى قورعاۋ مەن قولداۋ سالاسىنداعى وزەكتى ماسەلەلەردى شەشۋگە ارنالعان. سەناتورلار بۇل باعىتتى ۇنەمى نازاردا ۇستاپ، ءتيىستى زاڭنامالىق جۇمىستى ءارى قاراي جالعاستىرا بەرەدى»، - دەدى ماۋلەن اشىمبايەۆ.