قازاقستاننىڭ ون ەكى وڭىرىندە «ستەلس-وميكرون» انىقتالدى

مينيسترلىك كوروناۆيرۋس شتامى اينالىمىنا مونيتورينگتى جالعاستىرىپ جاتىر.

قازاقستاننىڭ 12 وڭىرىندە «ستەلس-وميكرون» شتامى انىقتالدى، دەپ حابارلايدى Almaty-akshamy.kz

دەنساۋلىق ساقتاۋ مينيسترلىگى باسپا ءسوز قىزمەتىنىڭ اقپاراتىنشا، بيىل ءساۋىر-مامىر ايلارىندا جۇرگىزىلگەن پتر سكرينينگى ناتيجەسى بويىنشا كوروناۆيرۋستىڭ ءارتۇرلى شتامدارى انىقتالدى. بارلىق وڭىردە BA.1 «وميكرون» شتامى – 98،6%، ونىڭ ىشىندە 12 وڭىردە BA.2 «ستەلس-وميكرون» – 36،7%، B.1.617-Delta – 1،4% انىقتالدى.

«پتر سكرينينگى ناتيجەلەرىن راستاۋ ءۇشىن تولىق گەنومدى سەكۆەنيرلەۋ جۇرگىزىلدى. ونىڭ ناتيجەسى بويىنشا BA.2 «ستەلس-وميكرون» شتامىنىڭ 93،8%ء-ى (اقتوبە، الماتى، اتىراۋ، شىعىس قازاقستان، قىزىلوردا، قوستاناي، قاراعاندى، ماڭعىستاۋ، پاۆلودار، سولتۇستىك قازاقستان وبلىستارى، الماتى جانە نۇر-سۇلتان قالالارى)، BA.1 «وميكرون» شتامىنىڭ 6،2%ء-ى (اتىراۋ، قىزىلوردا، قاراعاندى وبلىستارى، الماتى جانە نۇر-سۇلتان قالالارى) اينالىمى انىقتالدى»، - دەلىنگەن حابارلامادا.

مينيسترلىك ەپپيدەميولوگيالىق جاعدايدىڭ تۇراقتانعانىنا قاراماستان، كوروناۆيرۋسقا قارسى ۆاكسيناسيادان، ريەۆاكسيناسيادان وتۋگە كەڭەس بەرەدى.

ايتا كەتەرى، قازىرگى تاڭدا قازاقستاندا كوروناۆيرۋسقا قارسى ۆاكسينانىڭ 3 ءتۇرى بار (Pfizer، سينوفارم جانە QazVac). سونىڭ ىشىندە ەكەۋىن دۇنيەجۇزىلىك دەنساۋلىق ساقتاۋ ۇيىمى ماقۇلداعان.