ەڭبەك ينسپەكسياسى مينيسترلىكتىڭ قاراماعىنا بەرىلەدى

قاۋلى جوباسى «اشىق نقا» پورتالىنا ورنالاستىرىلعان.

ۇكىمەت ەڭبەك ينسپەكسياسىن جەرگىلىكتى اتقارۋشى ورگانداردان ورتالىق مەملەكەتتىك ورگاننىڭ قاراماعىنا بەرۋ تۋرالى شەشىم قابىلدادى، دەپ حابارلايدى Almaty-akshamy.kz

وسىعان بايلانىستى ەڭبەك جانە حالىقتى الەۋمەتتىك قورعاۋ مينيسترلىگى «اشىق نقا» پورتالىندا «قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ مينيسترلىگىنىڭ كەيبىر ماسەلەلەرى تۋرالى» ق ر ۇكىمەتى قاۋلىسىنىڭ جوباسىن دايىنداپ، ورنالاستىردى.

قاۋلى جوباسىندا:

ۆەدومستۆونىڭ جانىنان جەكە مەملەكەتتىك ەڭبەك ينسپەكسياسى كوميتەتىن قۇرۋ؛

ەڭبەك جانە الەۋمەتتىك قورعاۋ كوميتەتىنىڭ اتاۋىن حالىقتى الەۋمەتتىك قورعاۋ سالاسىنداعى رەتتەۋ جانە باقىلاۋ كوميتەتى دەپ وزگەرتۋ؛

ەڭبەك جانە الەۋمەتتىك قورعاۋ كوميتەتىنىڭ اۋماقتىق بولىمشەلەرىنىڭ اتاۋىن وزگەرتۋ؛

مەملەكەتتىك ەڭبەك ينسپەكسياسىنىڭ قىزمەتىنە بايلانىستى رەداكسيالىق تۇزەتۋلەر كوزدەلەدى.

ەڭبەك ينسپەكسياسىن جەرگىلىكتى اتقارۋشى ورگانداردان مينيسترلكتىڭ قاراماعىنا بەرۋ ناتيجەسىندە ەڭبەك زاڭناماسىنىڭ ساقتالۋىنا مەملەكەتتىك باقىلاۋ كۇشەيتىلەتىن بولادى. بۇل قىزمەتكەرلەردىڭ قۇقىعى مەن مۇددەسىن قورعاۋعا، ەل كاسىپورىندارىنداعى ءقاۋىپسىز ەڭبەك جاعدايلارىن قامتاماسىز ەتۋگە، سونداي-اق ەڭبەك داۋلارى مەن جانجالداردىڭ تۋىنداۋ تاۋەكەلدەرىن ازايتۋعا ىقپال ەتەتىن بولادى.