2024 جىلى جەرگىلىكتى اتقارۋشى ورگانداردىڭ ەڭبەك ينسپەكسيالارى مينيسترلىكتىڭ قاراماعىنا بەرىلدى، بۇل ەڭبەك زاڭناماسىنىڭ ساقتالۋىن ءتيىمدى باقىلاۋعا مۇمكىندىك بەردى. وسى رەفورما اياسىندا اۋماقتىق بولىمشەلەرمەن بىرگە مەملەكەتتىك ەڭبەك ينسپەكسياسى كوميتەتى قۇرىلدى، دەپ حابارلايدى aqshamnews.kz
ناتيجەسىندە جالاقىنى كەشىكتىرۋ ماسەلەلەرىن قوسا العاندا، ەڭبەك قۇقىقتارىنىڭ ساقتالۋىن تەكسەرۋ كۇشەيتىلدى. ماسەلەن، 2024 جىلدىڭ 11 ايىندا 277 كاسىپورىندا 4،4 ملرد تەڭگە سوماسىنا جالاقى بويىنشا بەرەشەك انىقتالدى جانە 17،5 مىڭ قىزمەتكەر ءوز ەڭبەكاقىسىن الدى.
سونىمەن قاتار تەكسەرۋ بارىسىندا 7 583 بۇزۋشىلىق انىقتالدى، ونىڭ 5 723ء-ى ەڭبەك سالاسىنا، 1 793 – ەڭبەك قاۋىپسىزدىگى مەن ەڭبەكتى قورعاۋعا، ال 67ء-سى حالىقتى جۇمىسپەن قامتۋعا قاتىستى. جۇمىس بەرۋشىلەرگە 2 998 ۇيعارىم بەرىلىپ، 371 ملن تەڭگە سوماسىنا 3 359 اكىمشىلىك ايىپپۇل سالىندى. بۇل شارالار 33 مىڭنان استام قىزمەتكەردىڭ ەڭبەك قۇقىعىن قورعاۋعا مۇمكىندىك بەردى.
ەڭبەك جاعدايلارىن جاقسارتۋدا كاسىپورىندارداعى ەڭبەك جاعدايلارى مەن كاسىپتىك تاۋەكەلدەردى ناقتى ۋاقىت رەجيمىندە باقىلاۋعا مۇمكىندىك بەرەتىن كاسىپورىنداردىڭ سيفرلىق كارتاسىن ەنگىزۋدى اتاپ وتكەن ءجون. وسىنىڭ ارقاسىندا 2024 جىلى جاراقات الۋ دەڭگەيى 2023 جىلمەن سالىستىرعاندا 3،7%-عا تومەندەدى.
سونىمەن قاتار تاكسي جۇرگىزۋشىلەرىنە الەۋمەتتىك كەپىلدىكتەر ەنگىزىلىپ، ولاردىڭ الەۋمەتتىك قورعالۋىن ەداۋىر ارتتىردى.
