قازاقستان ۇلتتىق بانكى ازاماتتاردى جەكە دەرەكتەرى مەن بانكتىك شوتتارىن جىمقىرىپ الۋ ماقساتىندا الاياقتاردىڭ جاڭا سحەمالاردى قولدانا باستاعانى جونىندە ەسكەرتەدى، دەپ حابارلايدى aqshamnews.kz
جاڭا الاياقتىق ادىستەرى:
-
گۇل شوعىنىڭ جەتكىزىلۋى:
ازاماتتارعا جونەلتۋشىنىڭ دەرەكتەرى كورسەتىلمەگەن گۇل شوقتارى جىبەرىلەدى. كەيىن قاسكويلەر حابارلاسىپ، وزدەرىن جەتكىزۋشى قىزمەتتىڭ قىزمەتكەرلەرى رەتىندە تانىستىرادى. ولار حابارلامادا كورسەتىلگەن كود ارقىلى گۇل شوعىنىڭ جەتكىزىلگەنىن راستاۋدى سۇرايدى. -
پوشتا جونەلتىلىمدەرى:
الاياقتار "پوشتا بولىمشەسىنەن تاپسىرىستى الۋ" دەگەن سىلتاۋمەن زياندى سىلتەمەلەر مەن حابارلامالار جىبەرەدى. مۇنداي سىلتەمەلەردە جەكە دەرەكتەردى ەنگىزۋ تالاپ ەتىلەدى. سونىڭ ناتيجەسىندە الاياقتار تەلەفونداعى دەرەكتەرگە، سونىڭ ىشىندە بانك قوسىمشالارىنا قول جەتكىزەدى. -
زيان كەلتىرۋى مۇمكىن فايلدار:
مەسسەندجەرلەر ارقىلى فوتوسۋرەت تۇرىندەگى زيان كەلتىرۋ باعدارلامالارىن جىبەرەدى. فوتوسۋرەتتى اشقان كەزدە ".APK" كەڭەيتىلىمى بار ورناتۋ فايلى ىسكە قوسىلىپ، قۇرىلعىنى باسقارۋ الاياقتاردىڭ قولىنا وتەدى. -
جاساندى ينتەللەكت ارقىلى الداۋ:
الاياقتار جاساندى ينتەللەكت تەحنولوگيالارىن قولدانىپ، جاقىن ادامداردىڭ داۋىسىن نەمەسە بەينەسىن يميتاسيالايدى. ولار تۋىس نەمەسە تانىس رەتىندە حابارلاسىپ، اقشا اۋدارۋدى، سىلتەمەگە ءوتۋدى نەمەسە جەكە دەرەكتەردى ايتۋدى سۇرايدى.
ۇلتتىق بانكتىڭ كەڭەستەرى:
- ءۇشىنشى تۇلعالارعا قۇپيا اقپارات بەرمەڭىز.
- كۇدىكتى قوڭىراۋلار مەن سۇراتۋلاردىڭ ءتۇپنۇسقالىعىن تەكسەرىڭىز.
- بەيتانىس سىلتەمەلەر مەن فايلداردى اشپاڭىز.
- قاشىقتان قول جەتكىزۋ قوسىمشالارىن ورناتپاڭىز (مىسالى، HopToDesk، RustDesk، AnyDesk جانە ت.ب.).
- مەملەكەتتىك ورگان نەمەسە ۇلتتىق بانك قىزمەتكەرىنىڭ اتىنان بەلگىسىز قوڭىراۋ شالىنسا، اڭگىمەنى دەرەۋ توقتاتىڭىز جانە رەسمي نومىرلەر ارقىلى بايلانىسىڭىز.
الاياقتىققا تاپ بولساڭىز:
قۇقىق قورعاۋ ورگاندارىنا جۇگىنىڭىز.
كەڭەس الۋ ءۇشىن قازاقستان ۇلتتىق بانكىنىڭ بايلانىس ورتالىعىنا 1477 ءنومىرى ارقىلى حابارلاسۋعا بولادى.