ەڭبەك ادامىنىڭ سيمۆولى

ەلدەگى سالالىق كاسىپوداق وكىلدەرى مەيرام قاجىكەنگە كاسكا جىبەرۋدە.

وسىلايشا ولار كانديداتقا ءوز قولداۋلارىن ءبىلدىرىپ جاتىر. 
«كاسىپوداق مۇشەلەرى ەڭبەك ادامىنىڭ سيمۆولى بولعان كاسكالاردى جىبەرىپ جاتىر. بىزگە پوشتا ارقىلى قىزىلوردا، تالدىقورعان، پەتروپاۆل جانە قاراعاندىدان جولدانعانى  تۋرالى اقپارات كەلىپ ءتۇستى. ءبىز ولاردىڭ بارلىعىن جينايمىز. جۇمىسشىلار كاسكاعا وزدەرىنىڭ ىزگى تىلەكتەرىن جازىپ، قولتاڭبالارىن قالدىرادى»، - دەدى سايلاۋالدى شتابىنىڭ باسشىسى ءابىل كەكىلبايەۆ.
سونداي-اق، سەنىم كاسكاسىن  الماتى، ماڭعىستاۋ وبلىسى، پاۆلودار، ارقالىق جانە كوكشەتاۋ كاسىپورىندارىنىڭ جۇمىسشىلارى دا جىبەرۋدە. ولار بۇل بويىنشا ارنايى الەۋمەتتىك جەلىلەرگە  بەينەروليكتەر جۇكتەگەن. 
مەيرام قاجىكەنگە كاسكا تاپسىرۋ ترەندكە اينالدى. ەستەرىڭىزگە سالا كەتەيىك، 21 قازاندا سايلاۋالدى شتاب اشىلىپ، ۇگىت-ناسيحات باستالعان كۇنى كاسىپوداق وكىلدەرى مەيرام قاجىكەنگە العاشقى كاسكانى تابىستاعان بولاتىن.
سونداي-اق، وڭىرلەردەگى ۇگىت-ناسيحات كەزىندە كانديدات وسكەمەن گەس قىزمەتكەرلەرىنەن، سوكولوۆ-سارىباي تاۋ-كەن بايىتۋ وندىرىستىك بىرلەستىگىنىڭ كەنشىلەرىنەن جانە «جەزقازعانسۆەتمەت» كەنشىلەرىنەن دە سەنىم كاسكاسىن الدى.
سونىمەن قاتار، ا. كەكىلبايەۆتىڭ ايتۋىنشا، وڭىرلەردەگى شتابتاردىڭ جۇمىستارى قىزۋ جالعاسۋدا: قازىرگى تاڭدا سەنىمدى تۇلعالار كاسىپورىندارعا، اۋرۋحانالارعا، مەكتەپتەرگە جانە باسقا دا ۇيىمدارعا بارىپ، كانديداتتىڭ باعدارلاماسىن تانىستىرۋ ماقساتىندا  كەزدەسۋلەر وتكىزىپ جاتىر.  
«قازاقستان بويىنشا 140-تان استام سەنىمدى تۇلعا بار. ءقازىر سايلاۋعا بايقاۋشى رەتىندە قاتىساتىن ەرىكتىلەردى ىرىكتەۋ جۇمىستارى جۇرگىزىلۋدە»، - دەدى ەلوردالىق شتاب باسشىسى.