پرەزيدەنتتىككە كانديدات قاسىم-جومارت توقايەۆتى قولداۋ جونىندەگى رەسپۋبليكالىق قوعامدىق شتابتىڭ مۇشەلەرى باتىس قازاقستان وبلىسىنىڭ تۇرعىندارىمەن ءبىرقاتار كەزدەسۋ وتكىزدى.
ورال قالاسىندا رقش مۇشەلەرى وبلىستىڭ زيالى قاۋىم وكىلدەرىمەن، قوعام بەلسەندىلەرىمەن بىرگە كانديدات ۇسىنعان وتاندىق مادەنيەت پەن ونەردى قولداۋعا جانە دامىتۋعا ارنالعان شارالاردى تالقىلادى. كەزدەسۋدە ەلىمىزدىڭ ەكولوگيالىق احۋالىن جاقسارتۋعا ارنالعان باسىمدىقتارعا دا ءمان بەرىلدى. بۇل ق.توقايەۆتىڭ سايلاۋ الدىنداعى باعدارلاماسىندا بەلگىلەنگەن مىندەتتىردىڭ ءبىرى.
«باتىسقازاقستاندىقتاردى الاڭداتىپ وتىرعان ماڭىزدى پروبلەمالاردىڭ ءبىرى – جايىق وزەنىنىڭ تارتىلۋى. تابيعي رەسۋرستاردى ءتيىمدى پايدالانۋ مەملەكەت ساياساتىنىڭ ماڭىزدى باسىمدىقتارىنىڭ قاتارىندا. سوعان بايلانىستى سۋ رەسۋرتارىن ءتيىمدى پايدالانۋ، قورعاۋ جانە تازالاۋ ۇلكەن مانگە يە. بۇل باعىتتا قوعامنىڭ بەلسەندى ۇستانىمى اسا ماڭىزدى»، – دەدى رەسپۋبليكالىق قوعامدىق شتاب دەلەگاسياسىنىڭ باسشىسى ماۋلەن اشىمبايەۆ.
سونداي-اق شتاب مۇشەلەرى «جايىقجىلۋقۋات» اق الاڭىندا وڭىردەگى كوممۋنالدىق كاسىپورىنداردىڭ وكىلدەرىمەن كەزدەسىپ، باتىسقازاقستاندىقتارعا ق.توقايەۆتىڭ سايلاۋ الدىنداعى باعدارلاماسىنىڭ نەگىزگى باعىتتارى تۋرالى ايتىپ بەردى.
رقش مۇشەلەرى «زەنيت» زاۋىتىنىڭ ۇجىمىمەن كەزدەسىپ، كانديداتتىڭ ەلىمىزدىڭ ونەركاسىپتىك الەۋەتىن دامىتۋعا ارنالعان ساياساتىنا توقتالدى.
سونىمەن قاتار شتاب دەلەگاسياسى جاڭگىر حان اتىنداعى باتىس قازاقستان اگرو-تەحنيكالىق ۋنيۆەرسيتەتىندە وڭىردەگى جاس اگرونومدارمەن جانە ينجەنەرلەرمەن جۇزدەستى.
وڭىرگە كەلگەن رقش مۇشەلەرى ەتنومادەني بىرلەستىكتەردىڭ وكىلدەرىمەن دە كەزدەسىپ، ەتنوسارالىق كەلىسىمدى نىعايتۋ ماسەلەسىن تالقىلادى.