ماكسيموۆا ۆەرا يننوكەنتيەۆنا 40 جىلدىق تاجىريبەسى بار بىلىكتى مامان، سۋ رەسۋرستارىن رەتتەۋ جانە قورعاۋ سالاسىندا 28 جىل جۇمىس ىستەيدى.
ەڭبەك جولىن بۋريات اسسر سۋ شارۋاشىلىعى مينيسترلىگىنىڭ يۆولگا گيدرومەليوراسيالىق تەحنيكۋمىندا لابورانت بولىپ باستادى، دەپ حابارلايدى aqshamnews.kz.
س.م.كيروۆ اتىنداعى ومبى اۋىل شارۋاشىلىعى ينستيتۋتىنداعى «گيدرومەليوراسيا» ماماندىعى بويىنشا وقۋدى ءساتتى اياقتاپ، ينجەنەر-گيدروتەحنيك بىلىكتىلىگى بەرىلدى.
بۋريات اسسر مەليوراسيا جانە سۋ شارۋاشىلىعى مينيسترلىگىنىڭ جوبالاۋ توبىنىڭ ينجەنەرى بولىپ ەڭبەك جولىن جالعاستىردى.
1983 جىلى ەسىل باسسەيندىك ينسپەكسياسىنا ينجەنەر بولىپ قابىلدانىپ، جەتەكشى ينجەنەر، اعا ينجەنەر جانە پەتروپاۆل ءبولىمىنىڭ باستىعى بولىپ قىزمەت اتقاردى.
1999 جىلدان باستاپ 2008 جىلعا دەيىن قازاقستان رەسپۋبليكاسى اۋىل شارۋاشىلىعى مينيسترلىگىنىڭ سۋ رەسۋرستارى كوميتەتى ەسىل باسسەيندىك سۋ شارۋاشىلىعى باسقارماسىنىڭ سۋ رەسۋرستارىن مەملەكەتتىك ەسەپكە الۋ جانە كاداسترى مونيتورينگى ءبولىمىنىڭ باس مامانى بولىپ جۇمىس ىستەدى.
سونداي-اق ۆەرا يننوكەنتيەۆنا حالىقارالىق جانە مەملەكەتارالىق كونفەرەنسيالار مەن وتىرىستارعا قاتىسىپ، ترانسشەكارالىق وزەندەر بويىنشا جۇمىس توبىنىڭ قۇرامىندا بولدى.
ءوز جۇمىسىندا ۇزدىك ناتيجە كورسەتە وتىرىپ، ايماقتىڭ سۋ شارۋاشىلىعىنىڭ دامۋىنا ايتارلىقتاي ۇلەس قوسقان قىزمەتكەر.
2024 جىلى «سۋ شارۋاشىلىعىنىڭ ارداگەرى» بەلگىسىمەن ماراپاتتالدى.