سارقان اۋدانىنىڭ اۋماعىندا پوليسيا دەپارتامەنتى مەن ۇقك قىزمەتكەرلەرى پروكۋراتۋرانىڭ ۇيلەستىرۋىمەن بىرلەسىپ وتكىزگەن ارنايى وپەراسيانىڭ ناتيجەسىندە ءۇش جەرگىلىكتى تۇرعىن ۇستالدى. ولارعا ەسىرتكى زاتتارىن زاڭسىز اينالىمعا ءتۇسىرۋ بويىنشا كۇدىك ارتىلۋدا.
تەرگەۋ بارىسىندا ۇستالعانداردىڭ ەكەۋى ءدىني ەكسترەميزم يدەولوگياسىن ۇستاناتىن تۇلعالار ەكەنى بەلگىلى بولدى. ولاردىڭ تۇرعىلىقتى جەرلەرىنە جۇرگىزىلگەن ءتىنتۋ جۇمىستارى ناتيجەسىندە ءىرى كولەمدە ماريحۋانا تاركىلەندى. سونىمەن قاتار، قازاقستان رەسپۋبليكاسىنىڭ اۋماعىنا اكەلۋگە، تاراتۋعا جانە شىعارۋعا زاڭمەن تىيىم سالىنعان ەكسترەميستىك مازمۇنداعى ءدىني ادەبيەتتەر تابىلدى. بارلىق تابىلعان زاتتار تاركىلەنىپ، زاڭ بويىنشا ءتيىستى شارالار قابىلدانۋدا.
بۇل وپەراسيا ەسىرتكىمەن كۇرەس پەن ءدىني ەكسترەميزمگە قارسى كۇرەستىڭ ءبىر بولىگى رەتىندە ايماقتاعى قاۋىپسىزدىكتى قامتاماسىز ەتۋ ماقساتىندا جۇزەگە اسىرىلدى.