بۇل پيروتەحنيكالىق زاتتاردىڭ سەرتيفيكاتى جوق.
25 جەلتوقسان مەن 3 قاڭتار ارالىعىندا رەسپۋبليكادا «پيروتەحنيكا» جەدەل-پروفيلاكتيكالىق ءىس-شاراسى ءوتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسيا قىزمەتكەرلەرى توتەنشە جاعدايلار دەپارتامەنتىنىڭ قىزمەتكەرلەرىمەن بىرلەسىپ، ازاماتتىق پيروتەحنيكالىق زاتتار مەن بۇيىمداردىڭ اينالىمى ەرەجەلەرىنىڭ ساقتالۋىنا باقىلاۋ جۇرگىزدى.
جاڭا جىل ءتۇنى وتشاشۋلاردى قولدانۋ كەزىندە 15 ادام، ونىڭ ىشىندە كامەلەتكە تولماعان التى بالا كۇيىپ قالدى.
«مىسالى، ەلوردادا 1 قاڭتاردا تۇندە اۋلادا وتشاشۋدى قولدانۋ كەزىندە ەكى بالا مەن ولاردىڭ اكەسى ەرنى مەن قولىن كۇيدىرىپ العان. تاعى ءبىر وقيعا استاناداعى ناجىمەدەنوۆ كوشەسىندە بولدى. پيروتەحنيكالىق زاتتاردى دۇرىس پايدالانباۋ سالدارىنان بالكون ورتەندى. زارداپ شەككەندەر مەن قايتىس بولعاندار جوق»، - دەدى پوليسەيلەر.
Polisia.kzء-تىڭ مالىمەتىنشە، ءۇي يەسى پوليسياعا حابارلاسپاعان. جەدەل-پروفيلاكتيكالىق ءىس-شارا باستالعاننان بەرى بارلىعى 16 400 سەرتيفيكاتسىز پيروتەحنيكالىق ءونىم تاركىلەندى.
ءبىر اپتا ىشىندە پيروتەحنيكالىق بۇيىمداردى ساتۋ ەرەجەلەرىن بۇزعانى ءۇشىن 842 تۇلعا اكىمشىلىك جاۋاپكەرشىلىككە تارتىلدى.