ەڭ تانىمال دزيۋدوشى الماتىدا جاتتىعۋ جاساپ ءجۇر

ونىڭ ۇلكەن جارىس الدىندا نەلىكتەن قازاقستاندى تاڭداعانى بەلگىسىز

دزيۋدودان وليمپيادا ويىندارىنىڭ ءۇش دۇركىن چەمپيونى فرانسيالىق تەددي رينەر الماتىدا جاتتىعۋ جيىندارىنا قاتىسىپ جاتىر. بۇل تۋرالى وقۋ-جاتتىعۋعا قاتىسىپ جاتقان دزيۋدوشىلاردىڭ ءبىرى «ءبىرىنشى بول» تىلشىسىنە مالىمدەگەن، دەپ حابارلايدى اlmaty-akshamy.kz. 

ونىڭ ايتۋىنشا، سپورتشى ماڭىزدى جارىس الدىنداعى دايىندىعىن الماتىدا پىسىقتاۋدى ءجون كورگەن. 35 جاستاعى رينەر الماتىعا 18 قاڭتار كۇنى كەلىپ، جوسپار بويىنشا 30-نا دەيىن جاتتىعۋ جۇمىستارىن جالعاستىرادى.

ايتا كەتەيىك، فرانسۋز سپورتشىسى 2023 جىلدىڭ باسىندا الماتىدا وقۋ-جاتتىعۋ جيىندارىنا قاتىسقان بولاتىن. سول جولى ول اسا اۋىر سالماقتاعى جيىرماعا تارتا قازاقستان دزيۋدوشىسىمەن سپاررينگ جاتتىعۋلار وتكىزگەن.

قازاقستان دزيۋدوشىلارى بۇل جولعى وقۋ-جاتتىعۋ جيىندارىنان كەيىن پورتۋگاليا جانە پاريجدە وتەتىن حالىقارالىق جارىستاردا ب ا ق سىنايدى. ال، رينەردىڭ جاتتىعۋ الاڭى رەتىندە نەلىكتەن الماتىنى تاڭداعانى بەلگىسىز.

ايتا كەتەتىن جايت، تەددي رينەر لوندون جانە ريو وليمپياداسىندا جەكەلەي سىن بويىنشا چەمپيون اتانسا، توكيودا كوماندالىق قۇرامامەن توپ جاردى. سونداي-اق، بەيجىڭ جانە توكيو وليمپيادالارىندا اسا اۋىر سالماقتا قولا مەدالعا يە بولعان. بۇدان بولەك، ول الەم بىرىنشىلىكتەرىندە وننان استام رەت چەمپيون اتاندى. ەۋروپا بىرىنشىلىكتەرىمەن قاتار، كوپتەگەن حالىقتارالىق گران-پري، گراند-سلەم باسەكەلەرىنىڭ جەڭىمپازى. رينەر 2010 جىلدان 2020 جىلدار اراسىندا ءجۇز ەلۋدەن استام بەلدەسۋگە دەيىن قارسىلاستارىن جەڭىپ، رەكورد ورناتقان سپورتشى.