ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ قازاقستاننىڭ حالىقارالىق ارالدى قۇتقارۋ قورىنا ءتوراعالىق ەتۋىنە ارنالعان اپپارات كەڭەسىن وتكىزدى.
جيىندا مينيسترلىكتىڭ الدىندا تۇرعان مىندەتتەر مەن ولاردى ىسكە اسىرۋ جوسپارى تالقىلاندى، دەپ حابارلايدى Almaty-akshamy.kz Cۋ جانە يرريگاسيا مينيسترلىگىنە سىلتەمە جاساپ.
ءبىرىنشى ۆيسە-مينيستر بولات بەكنياز قازاقستاننىڭ حاقق-نا ءتوراعالىق ەتۋ مەرزىمىنە جول كارتاسى جاسالىپ، قوردىڭ اتقارۋشى كوميتەتىنىڭ ءتوراعاسى تاعايىندالعانىن حابارلادى. اتقارۋ كوميتەتى استانادا ورنالاسادى، ونىڭ قۇرامىنا ءار ەلدەن ەكى وكىل كىرەدى. ۇيىمداستىرۋ جۇمىستارى تولىقتاي اقپان ايىندا اياقتالادى.
سونداي-اق، ءبىرىنشى ۆيسە-مينيستر سولتۇستىك ارالدى قالپىنا كەلتىرۋ جوباسىنىڭ ەكىنشى كەزەڭىنە دايىندىق تۋرالى ايتتى. بۇگىنگى تاڭدا جوبانىڭ تەحنيكالىق-ەكونوميكالىق نەگىزدەمەسى جاسالدى جانە قازىرگى ۋاقىتتا مەملەكەتتىك ساراپتامادان وتۋدە. جاقىن ارادا مينيستر سولتۇستىك ارالدى قالپىنا كەلتىرۋ جۇمىستارىنا قاتىسۋشى دۇنيەجۇزىلىك بانك وكىلدەرىمەن كەزدەسۋ وتكىزەدى.
ال ورتالىق ازيانىڭ مەملەكەتارالىق سۋ شارۋاشىلىعى ۇيلەستىرۋ كوميسسياسىنىڭ الداعى وتىرىسىندا سولتۇستىك ارالعا سۋ جىبەرۋدىڭ بولجامدى كەستەسى قارالاتىن بولادى. ايتا كەتۋ كەرەك، 2023 جىلدىڭ قورىتىندىسى بويىنشا تەڭىزگە 2 ملرد تەكشە مەتردەن استام سۋ جىبەرىلدى.
«الداعى ءۇش جىلدى ءبىز ءتيىمدى ءارى ۇتىمدى پايدالانۋىمىز كەرەك. بىرىنشىدەن، ارينە، ءوزىمىزدىڭ ۇلتتىق مۇددەمىزدى قورعاۋ جانە ورتا ازياداعى كورشىلەس مەملەكەتتەرمەن قارىم-قاتىناستى دامىتۋ ماسەلەسى. سوندىقتان بۇل جۇمىس كۇندەلىكتى باقىلاۋدا بولۋى كەرەك. وزدەرىڭىزگە جۇكتەلگەن مىندەتتەردى جاۋاپكەرشىلىكپەن اتقارىڭىزدار»، – دەدى ق ر سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.
ەستەرىڭىزگە سالا كەتەيىك، 2024 جىلدىڭ 1 قاڭتارىندا حالىقارالىق ارالدى قۇتقارۋ قورىنا ءتوراعالىق ەتۋ كەزەگى قازاقستان رەسپۋبليكاسىنا ءوتتى. ءبىزدىڭ ەلىمىز الداعى ءۇش جىلدا اتالعان ۇيىمدى باسقاراتىن بولادى.