ەڭ قىمبات تاكسي قازاقستاندا ەكەن

بىلتىر تاكسوپاركتەردىڭ تابىسى 6 ملرد تەڭگەنى قۇراپتى.

تمد ەلدەرى بويىنشا ەڭ قىمبات تاكسي قىزمەتى قازاقستاندا بولىپ شىقتى

قازاقستاندا تاكسي قىزمەتىنىڭ قۇنى 0،61 اقش دوللارىن قۇرادى، بۇل تمد ەلدەرى اراسىنداعى ەڭ جوعارى كورسەتكىش، دەپ حابارلايدى Almaty-akshamy.kz Energyprom-عا سىلتەمە جاساپ.

ءازىربايجاندا ستاندارتتى تاريف بويىنشا 1 كم ءۇشىن تاكسي اقىسى 0،59 اقش دوللارى، رەسەيدە — 0،34 اقش دوللارى، ۋكراينادا — 0،32 اقش دوللارى، بەلارۋستە — 0،31 اقش دوللارى، ارمەنيا مەن وزبەكستاندا — 0،3 اقش دوللارىن قۇرايدى.

"2023 جىلدىڭ قاڭتار-جەلتوقسانىندا قازاقستاندا تاكسي قىزمەتىن ۇسىناتىن كومپانيالاردىڭ تابىسى ءبىر جىلدا 17%-كە ءوسىپ، 5،9 ملرد تەڭگەنى قۇرادى. وسى كەزەڭدە تاكسي قىزمەتىن 47،4 ملن ادام پايدالانعان، بۇل ءبىر جىل بۇرىنعىدان 2%-كە از"، -دەلىنگەن حابارلامادا.

2023 جىلدىڭ جەلتوقساىندا تاكسي تاريفتەرى وتكەن جىلدىڭ جەلتوقسانىمەن سالىستىرعاندا 9،1%-كە ءوستى.

وڭىرلەر بويىنشا باعا ەڭ كوپ الماتى قالاسىندا ءوستى: ءبىر جىلدا 30،3%-عا قىمباتتاعان. ودان كەيىن باعا اقتوبە جانە اباي وبلىستارىندا تيىسىنشە 22،1% جانە 17%-كە وسكەن.

تاكسي قىزمەتى قۇنىنىڭ ەڭ از جىلدىق ءوسىمى ماڭعىستاۋ وبلىسىندا تىركەلدى. مۇرندا باعا 1،2%-كە ارتقان. تاعى ءۇش وبلىستا — الماتى، شىعىس قازاقستان جانە باتىس قازاقستاندا باعا ءبىر جىل بۇرىنعى دەڭگەيدە قالدى.