وقيعا شقو سامار اۋدانى كوكجوتا اۋىلىندا بولعان.
كوكجوتالىقتاردىڭ سوزىنشە، ول اڭنىڭ قاڭعىباس يت بولۋى مۇمكىن ەمەس، دەپ حابارلايدى Almaty-akshamy.kz
اۋدان اكىمدىگى تاراتقان اقپاراتقا قاراعاندا، بەلگىسىز اڭ بولعانبايەۆ كوشەسىندە تۇراتىن ەدىلحان سارباسوۆ ەسىمدى ازاماتتىڭ 15 باس قويىن ءولتىرىپ، 10 باسىن جارالاپ كەتكەن. كوكجوتالىقتاردىڭ سوزىنشە، ول اڭنىڭ قاڭعىباس يت بولۋى مۇمكىن ەمەس. «ولار ادەتتە ءولى مالعا اۋىز سالادى» دەيدى ولار.
اۋدان باسشىسى نۇرلان ماحامبەتوۆ، اۋىلدىق وكرۋگ اكىمى جانە جەرگىلىكتى پوليسيا ءبولىمىنىڭ قىزمەتكەرلەرى بارىپ، جاعدايدىڭ اق-قاراسىنا ۇڭىلگەن. ولاردىڭ ايتۋىنشا، مالعا ويران سالعان جىرتقىش قوراعا ەسىكتىڭ ءتۇبىن قازىپ كىرگەن.
«سىلەۋسىن شىعار دەپ توپشىلايمىز. قاسقىر بولسا قويدى جارىپ كەتەر ەدى، ال بۇل تەك قانىن ىشكەن. جارالى 10 قوي دا باۋىزدالدى»، – دەدى اكىمدىك وكىلدەرى.
اڭنىڭ سىلەكەيىنەن اۋرۋ تاراۋى مۇمكىن ەكەنىن ەسكەرىپ، قىرىلعان مالدى ارنايى ورىنعا كومۋ جونىندە شەشىم قابىلدانعان.