قاڭتاردا تاۋار سورەلەرىندە بۇكىلالەمدىك جەڭىلدىك ارتا تۇسەدى.
اينالامىزداعى دۇكەندەردە جەڭىلدىك كوپ-اق. ءبىراق كەيدە ارزان الامىز دەپ ەسەلەپ شىعىندالىپ جۇرگەن جوقپىز با؟ كوزگە تۇسەر تۇسقا «جەڭىلدىك» دەپ ايقايلاتىپ قويعان تاۋاردىڭ باعاسىن كەيىن قاراساڭ، قۇنى جەڭىلدىكسىز-اق سول قالپى تۇرعانىن بايقايسىڭ. جالپى دۇكەندەر باعانى قالاي ويناتادى؟
«the HODL» Telegram-ارناسىندا قاراپايىم ماركەتينگتىك ايلانى بىلاي تۇسىندىرەدى:
جەڭىلدىك دەپ تۇرعان تاۋاردى ساتىپ الاتىن بولدىڭىز دەلىك. الايدا كاسساعا بارعاندا باسقا باعا شىعىپ تۇرادى. جەڭىلدىك مەرزىمى اياقتالىپ كەتكەن، اكسيانىڭ مەرزىمى كوزبە كورىنبەيتىن مايدا جازۋمەن جازىلعان. كەيدە ءمان بەرمەي، ساتىپ الۋىڭىز دا مۇمكىن.
ءبىر زاتتىڭ قۇنىنا ەكى ءونىم
"جەڭىلدىك" دەگەن جازۋى بار ادەمى قاپتاماداعى تاۋارلار دا ماركەتولوگتار ءجيى قولداناتىن ايلالاردىڭ ءبىرى.
مىسالى، ساتىلىمدا تۇرعان ءبىر شايدىڭ قاسىندا سكوچپەن جاپسىرىلعان 250 گراممدىق ەكى شاي قاپتاماسى تۇر دەلىك. مۇنداي قوراپتىڭ بىرەۋى – 1299 تەڭگە، ال ەكەۋى جەڭىلدىكپەن – 2599 تەڭگە تۇرادى. بۇل – كەرەمەت جەڭىلدىك. اسىرەسە، جاڭاعى قوراپتاردىڭ جانىندا جەڭىلدىكسىز 2 469 تەڭگەگە ساتىلىپ تۇرعان 500 گراممدىق شاي قورابى بىرگە تۇرسا.
ۇتتىڭىز با، ۇتىلدىڭىز با؟
تۇتىنۋشى جەڭىلدىكپەن شاي قوراپتارىن ساتىپ الاتىن بولسا، ۇستىنە ارتىق 130 تەڭگە تولەر ەدى. ءتىپتى كەيدە باعا ايىرماشىلىعى ودان دا جوعارى بولۋى مۇمكىن. سوندىقتان جەڭىلدىك دەپ ساتىلىپ تۇرعان تاۋاردىڭ قۇنىن ويشا ەسەپتەپ كورگەن ارتىق بولمايدى.
ازىق-تۇلىك الاردا باعا بەلگىلەرىن، تۇبىرتەكتى تەكسەرىپ قويۋدى ۇمىتپاڭىز!