ەڭ پايدالى جەمىستەردىڭ ءبىرى جويىلىپ كەتۋى مۇمكىن

اۆوكادو جاھاندىق جىلىنۋدىڭ سالدارىنان جويىلۋ الدىندا تۇر.

كليمات داعدارىسىنىڭ تانىمال جەمىستىڭ وندىرىسىنە كەرى اسەرى جونىندە Christian Aid قايىرىمدىلىق ۇيىمىنىڭ بايانداماسىندا اتاپ وتىلگەن.

بۇل جايىندا islam.kz پورتالى lenta.ru اقپارات كوزىنە سىلتەمە جاساي وتىرىپ ءمالىم ەتەدى، دەپ حابارلايدى Almaty-akshamy.kz.

ساراپشىلاردىڭ پىكىرىنشە، عاسىردىڭ ورتاسىنا قاراي ەگىستىك كولەمى كەمىندە 14 پايىزعا، ەڭ كوبى 41 پايىزعا قىسقارادى. مۇنىڭ ءوزى بولاشاقتا اتموسفەراعا قانشالىقتى زياندى زاتتاردىڭ بولىنەتىندىگىنە بايلانىستى. الەمدەگى ەڭ ءىرى اۆوكادو ءوندىرۋشىسى مەكسيكادا جاھاندىق ورتاشا تەمپەراتۋرا ەكى گرادۋسقا كوتەرىلمەگەن كۇننىڭ وزىندە ەگىستىك القابى 31 پايىزعا قىسقارۋى مۇمكىن. ەگەر اۋا تەمپەراتۋراسى بەس گرادۋسقا جىلىنسا، ەگىس القابى 43 پايىزعا قىسقارادى. اۆوكادو ءوسىرۋ ءۇشىن مول سۋ قاجەت: ءبىر اۆوكادوعا ورتا ەسەپپەن 320 ليتر سۋ كەتتەدى. بۇل سالا ىستىق ايماقتاردا – بۋرۋندي، چيلي، پەرۋ، يسپانيا، وڭتۇستىك افريكا جانە مەكسيكادا دامىعانىن ەسكەرسەك، پلانتاسيالار اۋا رايى اپاتتارىنىڭ الدىندا وسالدىق تانىتادى. اتالعان ايماق، اسىرەسە، توپىراق ەروزياسىنا، ۇزاق قۇرعاقشىلىققا جانە ۇزاق جاۋىن-شاشىنعا بەيىم. تابيعي اپاتتار مەن سۋ تاپشىلىعى جاعدايىندا ءوندىرىس پروسەسى ايتارلىقتاي قىمباتتايدى.