قازاقستاندا العاش رەت جۇرەك پەن بۇيرەككە قاتار وپەراسيا جاسالدى، دەپ حابارلايدى Almaty-akshamy.kz.
استاناداعى ۇلتتىق عىلىمي مەديسينالىق ورتالىعىنىڭ دارىگەرلەرى ناۋقاستىڭ جۇرەگىنەن جانە بۇيرەگىنەن 60 سم-گە جۋىق ىسىكتى الىپ تاستادى. ونىڭ سالماعى ءۇش كەلىدەن اسادى، - دەيدى دارىگەرلەر.
بۇل قۋانىشتىڭ كوز جاسى. جالەل ايتمۇحانبەتوۆ اۋىر وپەراسيادان امان قالعانىما ءالى دە سەنە المايمىن دەيدى. 10 كۇن بويى جانساقتاۋ بولىمىندە جاتىپ، ەندى عانا جالپى پالاتاعا اۋىستىرىلعان. ال دەرتىنىڭ اسقىنعانىنا 2 جىلعا جۋىقتاپتى.
جالەل ايتمۇحانبەتوۆ، ەمدەلۋشى:
رەانيماسيادان كەشە شىقتىم. ەشكىمنىڭ باسىنا بەرمەسىن. وتە قۋانىشتىمىن.
وپەراسيا 20-دان استام ماماننىڭ قاتىسۋىمەن ءوتتى. دارىگەرلەر وسىنداي ىسىكتى ناۋقاستىڭ بۇيرەگىنەن الىپ تاستادى.ءانۋار ابدىكارىموۆ، ۇلتتىق عىلىمي مەديسينالىق ورتالىعىنىڭ ءبولىم باسشىسى:
ىسىك جۇرەككە دەيىن جەتكەن. جۇرەكتىڭ ىشىنە كىرىپ، سول سەبەپتى ناۋقاسقا ەكى توپ حيرۋرگتەرمەن وتا جاسالدى. ەرەكشەلىگى - قازاقستاندا ەشقاشان جاسالماعان وتا.
ۇلتتىق عىلىمي مەديسينالىق ورتالىقتىڭ تەك حيرۋرگيا ءبولىمىنىڭ وزىندە كۇنىنە كەمىندە 5 وتاعا دەيىن جاسالادى. ءدال وسى دارىگەرلەر العاش رەت قازاقستاندا بۇعان دەيىن جاسالماعان وپرەاسيانى جۇرگىزدى. بۇل وتانىڭ كۇردەلى بولعانى سونشا ول - ون ساعاتقا دەيىن سوزىلعان.ساكەن سابەربەكوۆ،ۇلتتىق عىلىمي مەديسينالىق ورتالىعىنىڭ دارىگەرى:
ءبىز ءوزىمىز دە تاڭ قالدىق. جۇرەككە دەيىن شاپقان. بۇكىل استىڭعى ۆەنامەن ءوسىپ بارىپ، جۇرەككە شاپقان. مۇندايمەن ادامدار كوپ ءومىر سۇرە بەرمەيدى.
جۇرەكتەن دە، بۇيرەكتەن دە ىسىكتى قاتار العان دارىگەرلەر وپەراسيا جاساۋ بارىسىندا ءۇمىت تە، كۇدىك تە قاتار بولعانىن ايتادى. سەبەبى، بۇيرەكتەگى ىسىك اسقىنىپ، ۇلعايىپ جۇرەككە شاپقان. بۇل وتە سيرەك كەزدەسەتىن جاعداي، - دەيدى ماماندار.