بۇگىن استانادا ۆەدومستۆو القاسىنىڭ وتىرىسى بارىسىندا مەديسينا قىزمەتكەرلەرىن دايارلاۋ ساپاسى ماسەلەلەرى قارالدى.
سوڭعى جىلدارى اكادەميالىق ەركىندىك پەن ۋنيۆەرسيتەتتەردىڭ دەربەستىك رەجيمگە كوشۋى وڭ ناتيجە بەردى، الايدا بەلگىلى ءبىر پروبلەمالار تۋىنداپ وتىرعانى اتاپ ءوتىلدى، دەپ حابارلايدى Almaty-akshamy.kz دەنساۋلىق ساقتاۋ مينيسترلىگىنە سىلتەمە جاساپ.
مەملەكەت تاراپىنان باقىلاۋدىڭ السىرەۋى ءبىلىم بەرۋ ساپاسىنىڭ، سونداي-اق زاڭناماعا سايكەس بىلىكتىلىك تالاپتارىنىڭ ساقتالۋىن قاداعالاۋدىڭ تومەندەۋىنە اكەلدى. ستۋدەنتتەردىڭ شامادان تىس سانىنىڭ سالدارىنان ينفراقۇرىلىم مەن وقۋ ساپاسى ناشارلادى. ءبىرقاتار مەديسينالىق ۋنيۆەرسيتەتتەر «قىزىل» ايماقتا جانە تەكسەرىلۋگە ءتيىس.
ءبىلىم بەرۋدىڭ جوعارى ستاندارتتارىن جانە مەديسينا ماماندارىن دايارلاۋ ساپاسىن قامتاماسىز ەتۋ ماقساتىندا دەنساۋلىق ساقتاۋ مينيسترلىگى عىلىم جانە جوعارى ءبىلىم مينيسترلىگىمەن جانە وقۋ-اعارتۋ مينيسترلىگىمەن بىرلەسىپ مەديسينالىق كوللەدجدەر مەن جوعارى وقۋ ورىندارىنىڭ، سونداي-اق عىلىمي زەرتتەۋ ينستيتۋتتارى مەن عىلىمي ورتالىقتاردىڭ قىزمەتىن تەكسەرۋ جانە مونيتورينگتەۋ جونىندەگى بارلىق كوميسسيالارعا قاتىسۋعا نيەتتى.