سەبەبى، الاياقتار كوبەيگەن.
بۇگىنگى تاڭدا، وكىنىشكە قاراي، اركىم ءوزىنىڭ جەكە دەرەكتەرىنىڭ اقپاراتتىق قاۋىپسىزدىگى تۋرالى بىلە بەرمەيدى، سونىڭ سالدارىنان ولار ونى ساقتامايدى.
مەدەۋ اۋداندىق پوليسيا باسقارماسىنىڭ باستىعى ءىلياس ومىرسەرىكوۆ ەڭ كوپ تارالعان الاياقتىق تىزبەكتەرى تۋرالى باياندادى:
1. قارت ادامدارعا قاتىستى الاياقتىق. ولار جابىرلەنۋشىلەردىڭ ءۇي تەلەفوندارىنا قوڭىراۋ شالۋ ارقىلى جۇزەگە اسىرىلادى: الاياقتار وزدەرىن جاقىن تۋىستارى رەتىندە تانىستىرىپ، ولارمەن كەنەتتەن تۋىنداعان جاعدايدى شەشۋ ءۇشىن اقشا اۋدارۋ كەرەك ەكەنىن حابارلايدى. كوبىنەسە ماسەلە جول-كولىك وقيعالارى تۋرالى بولىپ وتىر. بۇل جاعدايدا اڭگىمەنى ءوزىڭىز توقتاتقانىڭىز دۇرىس.
2. ۇلكەن ديۆيدەندتەر ۋادە ەتەتىن ونلاين جوبالارعا اقشالاي قاراجات سالۋ. ادەتتە، ازاماتتاردى كريپتوۆاليۋتالارعا، اكسيالارعا، باعالى مەتالدارعا اقشا سالۋعا كوندىرەدى جانە ولار ءارتۇرلى ەلدەردەگى جوق ابونەنتتىك نومىرلەردەن ءجيى قوڭىراۋ شالىپ، ينۆەستيسيالاۋدىڭ ارتىقشىلىقتارى تۋرالى سەنىمدى تۇردە ايتادى. كومپانيانىڭ بەدەلىن الدىن الا تەكسەرىڭىز.
3. بانكتەن قوڭىراۋ شالادى. ابونەنت ءوزىن بانكتىڭ قاۋىپسىزدىك قىزمەتكەرى رەتىندە تانىستىرادى جانە ءۇشىنشى ادامداردىڭ ءسىزدىڭ اتىڭىزعا نەسيە راسىمدەۋ ارەكەتى تۋرالى حابارلايدى. ەسىڭىزدە بولسىن! بانك قىزمەتكەرلەرى ەشقاشان ءسىزدىڭ كارتاڭىز تۋرالى اقپاراتتى سۇرامايدى، سونداي-اق ۇيالى تەلەفونىڭىزعا جىبەرىلگەن كىرۋ كودتارىن تالاپ ەتپەيدى. مۇنداي جاعدايلاردا تەلەفونمەن سويلەسۋدى توقتاتىپ، بانك كارتاسىندا نەمەسە بانك سايتىندا كورسەتىلگەن سەنىمدى نومىرگە قايتا قوڭىراۋ شالۋ كەرەك.
وتە ماڭىزدى: – ءارتۇرلى مەسسەندجەرلەر مەن الەۋمەتتىك جەلىلەر ارقىلى سىزگە جىبەرىلەتىن كۇماندى سىلتەمەلەردى باسپاڭىز جانە ءارتۇرلى سايتتارعا بانك كارتاڭىزدىڭ دەرەكتەمەلەرىن ەنگىزبەڭىز، ويتكەنى بۇل ۆيرۋستىق فايلدار مەن جەكە اقپاراتىڭىزدى جيناۋعا ارنالعان قوسىمشالار بولۋى مۇمكىن، بولاشاقتا ءسىزدىڭ بانك كارتاڭىزدان رۇقساتسىز تولەمدەر ءۇشىن پايدالانىلادى جانە قاسكويلەرگە ءموبيلدى بانكينگتەگى قاراجاتىڭىزعا قول جەتكىزۋگە مۇمكىندىك بەرەدى.
– بۇگىندە الماتى پوليسياسى الاياقتاردىڭ بۇگىنگى كۇنى قالاي ارەكەت ەتەتىنى تۋرالى اقپاراتتىق پاراقشالار مەن انيماسيالىق بەينەروليكتەردىڭ بىرنەشە نۇسقاسىن ازىرلەدى. اقپاراتتاندىڭىز دەمەك قارۋلاندىڭىز. بۇل ونىمدەر الاياقتاردىڭ ەڭ تانىمال قىلمىستىق تىزبەكتەرىن ەگجەي-تەگجەيلى سيپاتتايدى جانە وڭاي اقشانى جاقسى كورەتىندەردىڭ قۋلىعىنا تۇسپەۋ تۋرالى كەڭەستەر بەرەدى. ماقسات – قوعامدى قاسكۇنەمدەردەن قورعاۋ جانە مۇنداي قىلمىستىق كورىنىستەردىڭ الدىن الۋ، – دەدى ءىلياس ومىرسەرىكوۆ.