جەتىسۋ اۋدانىندا 15 شاقىرىم سۋمەن جابدىقتاۋ جەلىلەرىنىڭ قۇرىلىسى جىل سوڭىنا دەيىن اياقتالادى
بۇل تۋرالى جەتىسۋ اۋدانىنىڭ اكىمى گۇلنار كوكەبايەۆا وكق بريفينگىندە حابارلادى. ونىڭ ايتۋىنشا، 2023 جىلدىڭ سوڭىنا دەيىن 23 كوشەدە ينجەنەرلىك جەلىلەر قۇرىلىسىن اياقتاۋ جوسپارلانىپ وتىر.
ەستەرىڭىزگە سالا كەتەيىك، اعىمداعى جىلدان باستاپ الماتى اۋداندارى اكىمدىكتەرىنىڭ بيۋدجەتتەرى فۋنكسيالاردى ورتالىقسىزداندىرۋ اياسىندا ەكى ەسەدەن استام ۇلعايدى. وسىلايشا، الماتى اۋداندىق اكىمدىكتەرى اباتتاندىرۋ جوبالارىن، جولداردى جوندەۋدى جانە ت. ب. دەربەس قارجىلاندىرادى.
2024 جىلى اۋداندا ۇزىندىعى 67،5 شاقىرىم بولاتىن 35 كوشەگە ينجەنەرلىك جەلىلەر سالۋ جوسپارلانۋدا. جوبانى ىسكە اسىرۋ كەمەل شاعىن اۋدانىن جانە سولتۇستىك اينالما مەن پاللاديندەگى لوگتىڭ شىعىس بولىگىن ورتالىقتان سۋمەن جانە كارىزبەن قامتاماسىز ەتۋگە مۇمكىندىك بەرەدى.