2023 جىلدىڭ 10 ايىندا 130 مىڭعا جۋىق جولاۋشى «ايەلدەر ۆاگونىندا» جول ءجۇرۋدى تاڭدادى.
سالىستىرىپ ايتقاندا، وتكەن جىلى ايەلدەر ۆاگوندارىندا 114 مىڭنان استام ادام جول جۇرگەن، دەپ حابارلايدى اlmaty-akshamy.kz. 2021 جىلدىڭ 3 ايىندا ەلىمىزدىڭ ادەمى جارتىسىنىڭ نەعۇرلىم جايلى جانە ءقاۋىپسىز ساپارىن قامتاماسىز ەتۋ ءۇشىن قىزمەت ەنگىزىلگەن ساتتەن باستاپ 13 مىڭنان استام جولاۋشى «ايەلدەر ۆاگونىندا» ساپارلاعان.
بۇگىنگى تاڭدا «ايەلدەر ۆاگونى» 8 جولاۋشىلار پويىزى قۇرامىندا قاتىناپ ءجۇر:
- №77/78 «الماتى – ماڭعىستاۋ» №07 كۋپە ۆاگونى؛
- №351/352 «الماتى – وسكەمەن» №10 كۋپە ۆاگونى.
- №45/46 «پاۆلودار – تۇركىستان» №09 كۋپە ۆاگونى؛
- №37/38 «ماڭعىستاۋ – سەمەي» №06 كۋپە ۆاگونى؛
- №47/48 «اتىراۋ – استانا» №06 كۋپە ۆاگونى؛
- №33/34 «اقتوبە – الماتى-1» №06 كۋپە ۆاگونى؛
- №4/3 «استانا-الماتى-2» №17 كۋپە ۆاگونى؛
- №71/72 «استانا-شىمكەنت» №10 كۋپە ۆاگونى.
«ايەلدەر ۆاگونىندا» جەتى جاسقا دەيىنگى ەر جولاۋشىلاردىڭ جۇرۋىنە جول بەرىلەدى.
ايتا كەتەيىك، «جولاۋشىلار تاسىمالى» اق جولاۋشىلار اراسىندا «ايەلدەر ۆاگونىڭ» ەنگىزۋ قاجەتتىلىگى تۋرالى ونلاين ساۋالناما جۇرگىزگەننەن كەيىن عانا قىزمەتتى ىسكە اسىردى. ساۋالعا جاۋاپ قاتقانداردىڭ كوپشىلىگى، اتاپ ايتقاندا 82% قولداپ، 13% تەرىس جانە 5% بەيتاراپ جاۋاپ بەرگەن ەدى.