"بۇگىن مەملەكەت باسشىسى كوپتەن كۇتكەن جانە كەڭىنەن تالقىلانعان ايەلدەر قۇقىقتارى مەن بالالاردىڭ قاۋىپسىزدىگىن قورعاۋدى كۇشەيتۋ تۋرالى زاڭعا قول قويدى. اتالعان قۇجاتتىڭ ءمانى مەن ماڭىزىنا توقتالىپ وتەيىن".مادەنيەت جانە اقپارات ءمينيسترى ايدا بالايەۆا.
- ادام دەنساۋلىعىنا تيگىزگەن جەڭىل زيانعا 50 تاۋلىككە دەيىن قاماۋ نەمەسە 200 اەك-قا دەيىن ايىپپۇل؛
- قول كوتەرگەنى ءۇشىن 25 تاۋلىككە دەيىن قاماۋ نەمەسە 80 ساعاتقا دەيىن قارا جۇمىسقا جەگۋ نەمەسە 80 اەك-كە دەيىن ايىپپۇل سالۋ رەتىندە قىلمىستىق جاۋاپكەرشىلىك قاراستىرىلادى.
"ال ەگەر وسىنداي قىلمىس كامەلەتكە تولماعان تۇلعاعا قاتىستى اسا قاتىگەزدىكپەن جاسالاتىن بولسا، وندا قىلمىسكەر ەكى جىلعا دەيىن باس بوستاندىعىنان ايىرىلادى. ءوز كەزەگىندە كامەلەتكە تولماعان نەمەسە شاراسىز جاعدايدا قالعان جاندى ازاپتاعان، نە بولماسا دەنساۋلىعىنا اۋىر نەمەسە ورتا دەڭگەيدە زيان كەلتىرگەن، بالا ولتىرگەن، نەمەسە جىنىستىق قىلمىس جاساعاندار ءۇشىن زاڭدا بار ەڭ اۋىر جازا - ءومىر بويىنا باس بوستاندىعىنان ايىرۋ"، - دەيدى مينيستر ءوز سوزىندە.
سونىمەن قاتار ايدا بالايەۆا بالالارعا قاتىستى نەمەسە وتباسى تۇرمىسىندا بۇرىن-سوڭدى قانداي دا ءبىر قۇقىق بۇزعاندار ءۇشىن ەرەكشە تالاپتار ەنگىزىلگەنىن دە جەتكىزدى.
"ماسەلەن، ولارعا سوت شەشىمىمەن مەديسينالىق ۇيىمداردا پسيحولوگيالىق ەمدەۋدەن ءوتۋ مىندەتتەلەدى. ال وتباسى مۇشەلەرىن قورعاۋ ماقساتىندا، سوتقا اسا قاجەت بولسا، ولاردىڭ ءبىر شاڭىراق استىندا تۇرۋىنا تىيىم سالۋ قۇقىعى بەرىلدى. جالپى، تۇرمىستاعى وسىنداي كۇش قولدانۋ فاكتىلەرىنە قاتىستى دەرەۋ شارا قولدانۋىنا مۇمكىندىك جاساۋ ءۇشىن وكىلەتتى ورگاندارعا باق-تا جاريالانعان اقپاراتتى نەگىزىندە الۋعا رۇقسات بەرەتىن نورمالار قاراستىرىلعان". مادەنيەت جانە اقپارات ءمينيسترى ايدا بالايەۆا
ەكىنشىدەن، ءسۋيسيدتىڭ الدىن الۋ ءۇشىن ادامنىڭ وز-وزىنە قول جۇمساۋىنا سەبەپكەر بولعان تۇلعا ءۇشىن 5 جىلدان 9 جىلعا دەيىن باس بوستاندىعىنان ايىرۋ تۇرىندە قىلمىستىق جاۋاپكەرشىلىك ارتىلادى. سونىمەن قاتار وز-وزىنە قول سالۋدى ۇگىتتەيتىن ناسيحات ءۇشىن 200 اەك كولەمىندە ايىپپۇل سالۋ تۇرىندە قىلمىستىق جاۋاپكەرشىلىك ەنگىزىلدى.
بۋللينگ پەن كيبەربۋللينگ ءۇشىن 10 اەك كولەمىندە ايىپپۇل تولەنەدى.