الماتىداعى تۇركسىب اۋدانىنىڭ كاسىپكەرلەرى سۋ تاسقىنىنان زارداپ شەككەندەرگە كومەكتەسىپ جاتىر، دەپ حابارلايدى almaty-akshamy.kz
الماتى قالاسى تۇركسىب اۋدانىنىڭ كاسىپكەرلەرى سۋ تاسقىنىنان زارداپ شەككەن وڭىرلەرگە كەزەكتى گۋمانيتارلىق كومەك جىبەردى.
اۋداننىڭ كاسىپكەرلەرى، ونىڭ ىشىندە «قازفەرروستال» ج ش س، «الماتى قالاسىنىڭ حالىقارالىق اۋەجايى» اق، «قازگەوسينتەتيكا ءسۇ» ج ش س باتىس قازاقستان وبلىسىنىڭ ورال قالاسىنا ءىرى گۋمانيتارلىق جۇك جىبەردى.
- بۇل 5 توننا نەمەسە 25 مىڭ شارشى مەتر گەوتەكستيل (گيدرووقشاۋلاعىش ماتەريال)، سۋ جيناعىش قۇرىلىسى مەن بوگەت سالۋ كەزىندە قولدانىلادى.
- ءبىر اپتا بۇرىن ازىق-تۇلىك، ءبىرىنشى كەزەكتە قاجەتتى زاتتار، كيىم-كەشەك جانە ت.ب. زاتتاردى «تۇركسىب جارمەڭكەسى» «جەتىسۋ سەميرەچە» جانە «ءۇمىت» بازارلارى سۋ تاسقىنىنان زارداپ شەككەندەرگە باتىس وڭىرلەرگە جونەلتكەن بولاتىن.
- گيدرووقشاۋلاعىش ماتەريالدىڭ شۇعىل قاجەتتىلىگىن ەسكەرە وتىرىپ، تۇركسىب اۋدانىنىڭ اكىمدىگى اۆياسيالىق تاسىمالداۋعا كومەك كورسەتەدى.
ەستەرىڭىزگە سالا كەتەيىك، الماتى قالاسىنىڭ اكىمدىگى ورال قالاسىنا قىزمەت كورسەتەتىن پەرسونالى بار ارنايى ماقساتتاعى ماشينالاردى جونەلتكەن.