اعىمداعى جىلدىڭ 7 مامىرىندا وتان قورعاۋشىلار كۇنىنىڭ قۇرمەتىنە وراي جانە «الماتى – ءبىزدىڭ ورتاق ءۇيىمىز» ناۋقانى اياسىندا كىشىالماتى شاتقالىنىڭ ەڭ ادەمى شىڭدارىنىڭ ءبىرى - پانفيلوۆشى-باتىرلار شىڭىنا جاپپاي ورمەلەپ شىعۋ وتەدى، دەپ حابارلايدى almaty-akshamy.kz
شىڭعا ورمەلەۋ باعىتى مەدەۋ بيىك تاۋلى مۇز ايدىنىنان (1600 م) جالپى اشىلۋىمەن ساعات 05:30-دا باستالادى جانە «شىمبۇلاق» تاۋ شاڭعىسى كۋرورتى، تۇيىق سۋ، مىڭجىلقى شاتقالدارى، مانشۇك مامەتوۆا مۇزدىعى مەن اسۋىنان، پانفيلوۆشى-باتىرلار شىڭىنا(4120 م) كوتەرىلەدى. باعىت وتە كۇردەلى-قيىندىق ساناتتارى 1ا.
شىڭعا ورمەلەۋدى ۇيىمداستىرۋشىلار- الماتى قالاسىنرىڭ تۋريزم باسقارماسى (Almaty_Tourism Bureau)، الماتىنىڭ الپينيزم فەدەراسياسى (falp.kz) جانە الماتى مەن قازاقستاننىڭ سپورتتىق تۋريستەر دوستاستىعى (Turclub.kz). الپينياداعا قاتىسۋعا بارلىق نيەت بىلدىرۋشىلەر شاقىرىلادى. كەرى باعىتتا قاتىسۋشىلارعا «الماتى – ءبىزدىڭ ورتاق ءۇيىمىز» ناۋقانى اياسىندا باعىت بويىنداعى قوقىس پەن ۇساق قالدىقتاردى جيناۋعا قوسىلۋ ۇسىنىلادى.
قاتىسۋشىلار تاۋداعى اۋا-رايىنا سايكەس جابدىقتالۋى كەرەك، شاڭعى تاياقشالارىن پايدالانۋ ۇسىنىلادى. الپينيادانىڭ بارلىق قاتىسۋشىلارى ءۇشىن 2023 جىلعى 7 مامىردا ساعات 05:30-دان 08:30-عا دەيىن مەدەۋ – شىمبۇلاق – مەدەۋ گوندولالىق جولىندا جول ءجۇرۋ قۇنى 1000 تەڭگەنى قۇرايدى. الپينيادانى وتكىزۋ قاۋىپسىزدىگىن الماتى قالاسىنىڭ الپينيزم فەدەراسياسىنىڭ كۇشتەرى جانە قازاقستاننىڭ تاۋ قۇتقارۋشىلار قاۋىمداستىعى قامتاماسىز ەتەدى.
پانفيلوۆشى-باتىرلار شىڭىن العاش رەت 1942 جىلى بۇكىلوداقتىق تاۋ-كەن دايارلاۋ مەكتەبىنىڭ كۋرسانتتار توبى باعىندىرعان بولاتىن. 2012 جىلدان باستاپ وسى باعىت بويىنشا الپينيادالار جىل سايىن وتكىزىلەدى.
ءىس-شارا الماتى قالاسىنىڭ حالقى مەن جاستارىن بەلسەندى دەمالىس تۇرلەرىنە، سالاۋاتتى ءومىر سالتىن ۇستانۋعا، قورشاعان ورتاعا جانە تاۋلارعا بارۋ مادەنيەتىنە ۇقىپتى قاراۋ قۇندىلىقتارىن قالىپتاستىرۋعا تارتۋعا ارنالعان.
قوسىمشا اقپارات جانە ب ا ق اككرەديتتەۋ ءۇشىن الماتى قالاسىنىڭ الپينيزم فەدەراسياسىنا حابارلاسۋ قاجەت، بايلانىس تەلەفونىنىڭ ءنومىرى: +7 705 808 7312 ەلەنا.
تىركەۋ الپينيادا «الماتى 2024» (turclub.kz) سايتىندا جۇرگىزىلەدى.