ايماقتا اپاتتى دەپ تانىلعان 900 اعاشتى وتاۋ باستالدى
بوستاندىق اۋدانىنداعى اپاتتى دەپ تانىلعان 900 اعاشتى وتاۋ باستالدى. بيىل 83 كوشەگە جارىق ورناتىلدى. ال كەلەر جىلعا قوعامدىق كەڭىستىكتەردى اباتتاندىرۋ، بالالار مەن سپورت الاڭدارىن جوندەۋ بويىنشا 165 ءوتىنىم تۇسكەن، دەپ حابارلايدى Almaty-akshamy.kz almaty.tv-گە سىلتەمە جاساپ.
«قازىرگى كەزدە بوستاندىق اۋدانىندا 177 شاقىرىم ارىق جۇيەسى بار. مەردىگەر مەكەمەلەردىڭ كۇشىمەن وسى 177 شاقىرىم ارىق جۇيەسى كۇندەلىكتى تازالانۋدا. جاڭبىرلى كۇندەرى جاڭاعى سۋ باساتىن 5 ايماق بار. ول 5 ايماقتى تەز ارادا قولعا الۋ ءۇشىن توتەنشە جاعدايلار جەلىسى بويىنشا جوندەۋ جۇمىسى باستالدى. جاروكوۆ پەن ساتپايەۆ، ساتپايەۆ پەن بايتۇرسىنوۆ كوشەلەرىنىڭ قيىلىسىندا جۇمىستار جۇرگىزىلىپ جاتىر. جىلدىڭ سوڭىنا دەيىن اياقتالادى. ودان بولەك 55،2 شاقىرىم ارىق جۇيەسى سالىنۋدى جوسپارلاپ وتىرمىز. بوستاندىق اۋدانى 85 پايىز جارىقتاندىرىلعان. قازىرگى كەزدە اۋداندا 214 كىشى كوشە قالدى. بيىلعى جىلى 83 كوشەگە جارىقتاندىرۋ جۇمىسى باستالادى. جۇمىستار جىلدىڭ سوڭىنا دەيىن اياقتالۋى ءتيىس. 751 تىرەك ورناتىلىپ، ونىڭ ىشىندە 22،5 جارىقتاندىرۋ جۇيەسى ورناتىلادى»، – دەدى بوستاندىق اۋدانى كورىكتەندىرۋ ءبولىمىنىڭ باسشىسى ارمان ميزامبەكوۆ.
بيىل «حالىق قاتىساتىن بيۋدجەت» جوباسى بويىنشا 20 جوبامىز ىسكە استى.
«حالىق قاتىساتىن بيۋدجەت» جوباسى بويىنشا 766 ميلليون تەڭگەنىڭ كولەمىندە 20 جوبامىز ىسكە استى. قازىرگى كەزدە بارلىق جوبا اياقتالدى. بۇل جوبانىڭ ىشىندەگى بالالار الاڭى، سپورت الاڭى جانە دە ساياباقتارعا جوندەۋ جۇمىسى جۇرگىزىلدى. ونىڭ ىشىندە جاڭاعى تيميريازيەۆ پەن بايزاقوۆ كوشەلەرىنىڭ قيىلىسىندا تۇنگى اۆتوتۇراق بۇزىلىپ، ورنىنا ساياباق سالىندى. قازىرگى كەزدە بارلىق جوبالار اياقتالدى. كەلەسى جىلعا 165 ءوتىنىم قابىلدانىپ، كوميسسيانىڭ شەشىمى 17 جوبا ىرىكتەلىپ الىندى. 2023جىلى ىسكە اسىرامىز. جاسىل-جەلەكتەردى سۋارۋ جەلىلەرى سالىنادى. بالالار وينايتىن الاڭقايلار، سپورت الاڭدارى جانە دە ساياباقتارعا جوندەۋ جۇمىسى ىسكە اسادى»، – دەدى بوستاندىق اۋدانى كورىكتەندىرۋ ءبولىمىنىڭ باسشىسى ارمان ميزامبەكوۆ.