بارلىق ناۋقاستار داۋىس بەرۋگە وڭاي قول جەتكىزە الادى
الاتاۋ اۋدانىنا قاراستى №25 ەمحانا 5 ماۋسىم كۇنى بولاتىن رەفەرەندۋمعا تولىق دايىن ەكەندەرىن ايتادى. سەنبى كۇنى ەمحانا بولمەلەرى تازارتىلىپ، كىرەبەرىستە داۋىس بەرۋ جاشىكتەرى قويىلادى. ەمحانانىڭ ءاربىر بولمەسىندە رەفەرەندۋم تۋرالى بەينەروليك كورسەتىلىپ تۇر. بۇل ەمحاناعا كەلۋشىلەر مەن ەم الىپ جاتقان ناۋقاستاردى حاباردار ەتۋ ماقساتىندا قويىلعان.
ەم الۋشىلارعا رەفەرەندۋمعا بايلانىستى قىسقاشا ساباقتار جۇرگىزەمىز. قازىرگى تاڭدا ەمحانامىز رەفەرەندۋمعا تولىعىمەن دايىن، بارلىق قاجەتتى قۇرالدارمەن جابدىقتالعان. ۇيىندە اۋىرىپ نەمەسە ەمحاناعا ەمدەلىپ جاتقاندارعا داۋىس بەرۋ جاشىگىن ءوزىمىز الىپ بارامىز. بارلىق ناۋقاستار داۋىس بەرۋگە وڭاي قول جەتكىزە الادى، – دەيدى كەزەكشى دارىگەر گالينا ورازوۆا.
№24 سايلاۋ ۋچاسكەسىنە 2880 ادام تىركەلگەن. 23 ادامعا بەلگىلى ءبىر سەبەپتەرمەن ۇيىنە سايلاۋ جاشىگىن اپارۋ تاپسىرىلعان.