لوندوندا وتكەن ەۋرازيا كينوسىنىڭ تاۋەلسىز فەستيۆالىندە قازاقستاندىق اۆتورلار ۇزدىك دەپ تانىلدى.
جۋرناليست-جازۋشى ناتاليا ماحنونىڭ «بيفۋركاسيا نۇكتەسى» تۋىندىسى «ەڭ ۇزدىك سەناريي»، ءدىلشات ءراحماتۋلليننىڭ «بەسىك جىرى» انيماسيالىق ءفيلمى «كورەرمەندەر كوزايىمى» اتالىمدارى بويىنشا ماراپاتتالدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
"ناتاليا ماحنونى جەڭىسىمەن قۇتتىقتايمىز. بىرنەشە جاقسى سەنارييلەر بولدى، ءبىراق «بيفۋركاسيا نۇكتەسى» شىعارماسى ءوزىنىڭ شىنايىلىعىمەن باسىم ءتۇستى. سەنارييگە جاس قىزدىڭ تاعدىرى جانە ونىڭ ماحاببات سەزىمى ارقاۋ بولعان"، - دەدى قازىلار القاسىنىڭ مۇشەسى پيتەر بلاند.
ەۋرازيالىق شىعارماشىلىق گيلدياسى ۇيىمداستىرعان كينوفەستيۆال بيىل ءتورتىنشى رەت وتكىزىلىپ وتىر. وعان 11 ەلدىڭ وكىلى قاتىسىپ، بارلىعى جيىرما بەس تۋىندى ۇسىنىلدى. ايتا كەتەيىك، جىل سايىن بايقاۋ الەمنىڭ تۇكپىر-تۇكپىرىنەن كەلگەن جۇزدەگەن تالانتتى رەجيسسەر، اكتەر، پروديۋسەر، سەناريست جانە مۋلتيپليكاتوردىڭ باسىن قوسادى.