بايقوڭىر اۋدانى پوليسيا باسقارماسىنىڭ قىزمەتكەرلەرى جەدەل ىزدەستىرۋ ءىس-شارالارىن جۇرگىزۋ بارىسىندا ىزدەۋدە جۇرگەن 30 جاستاعى الماتى قالاسىنىڭ تۇرعىنىن انىقتادى.
بەلگىلى بولعانداي، ەر ادام قالالىق مەشىتتە جاسىرىن تۇردە بوتەن بىرەۋدىڭ Samsung ماركالى تەلەفونىن الىپ كەتكەن. كۇدىكتى وزگە ادامنىڭ باسقا جاققا كوڭىلى اۋعانىن پايدالانىپ، ونىڭ تەلەفونىن الىپ كەتكەنى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
ەكىنشى جاعدايدا ول كومپيۋتەر كلۋبىنان تەلەفوندى الىپ كەتكەن. سونداي-اق سوتقا دەيىنگى تەرگەپ-تەكسەرۋ بارىسىندا ەر ادامنىڭ الماتى قالاسىندا ءبىرقاتار ۇرلىق ارەكەتتەرىنە قاتىستىلىعى ءۇشىن ىزدەۋدە جۇرگەنى بەلگىلى بولدى.
قازىرگى ۋاقىتتا قىلمىسقا قاتىسى بار ادام كىناسىن مويىنداپ، پد-نىڭ ۋاقىتشا ۇستاۋ يزولياتورىنا قامالدى. ق ر قىلمىستىق-پروسەستىك كودەكسىنىڭ 201-بابى نەگىزىندە تەرگەۋ مۇددەسىندە سوتقا دەيىنگى تەرگەپ-تەكسەرۋدىڭ وزگە دە دەرەكتەرى جاريا ەتىلۋگە جاتپايدى. استانا قالاسىنىڭ پوليسيا دەپارتامەنتى ۇيىمدارعا قوعامدىق ورىنداردا قاۋىپسىزدىك شارالارىن كۇشەيتۋدى ۇسىنادى. ازاماتتار قىراعى بولىپ، باعالى زاتتارىن قاراۋسىز قالدىرماۋى كەرەك.