نيكولاي تاراتۋنين 1941 جىلى قۇرداستارىمەن بىرگە وتاندى قورعاۋ ءۇشىن مايدانعا اتتانادى.
بۇگىن ۇلى وتان سوعىسىنىڭ ارداگەرى – شەكاراشى، «قىزىل جۇلدىز» وردەنىنىڭ ەكى دۇركىن كاۆالەرى، ءبىرىنشى دارەجەلى «ۇلى وتان سوعىسى»، «قۇرمەت» وردەندەرىنىڭ يەگەرى، وتستاۆكاداعى پولكوۆنيك تاراتۋنين نيكولاي الەكساندروۆيچ 100 جاسقا تولدى، دەپ حابارلايدى Almaty-akshamy.kz
نيكولاي تاراتۋنين 1941 جىلى قۇرداستارىمەن بىرگە وتاندى قورعاۋ ءۇشىن مايدانعا اتتانادى. باتىس، ستالينگراد، ۋكراين مايداندارىندا جانكەشتىلىكپەن شايقاسىپ، جەرىمىزدى باسقىنشىلاردان قورعايدى.
سوعىستان سوڭ ول الماتىداعى جاياۋ اسكەرلەر ۋچيليششەسىنىڭ كۋرسانتى اتانادى. وقۋدى جاقسى اياقتاپ، تۇركيامەن، يرانمەن، قىتايمەن، جاپونيامەن شەكارالاس ايماقتاردا اسكەري قىزمەتىن وتەيدى. بۇگىندە سوعىس ارداگەرى نيكولاي الەكساندروۆيچ ۇلىمەن بىرگە تۇرادى، ءۇش نەمەرەسى، ءتورت شوبەرەسى بار. 9 مامىردا ءبارى جينالىپ، ارداگەر اتالارىن جەڭىس كۇنىمەن قۇتتىقتايدى.
سوعىس ارداگەرىن الماتى اكىمدىگىنىڭ، «زاستاۆا تارلاندارى» ارداگەر شەكاراشىلاردىڭ رەسپۋبليكالىق قوعامدىق ۇيىمىنىڭ، ارداگەرلەردىڭ قالالىق كەڭەسىنىڭ، اMANAT پارتياسىنىڭ وكىلدەرى، قورعانىس جونىندەگى باسقارمانىڭ اسكەري قىزمەتشىلەرى، جاس سارباز اسكەري- پاتريوتتتىق كلۋبىنىڭ جاسوسپىرىمدەرى، ق ر قورعانىس كۇشتەرى اسكەري-پاتريوتتىق ورتالىعى فيليالىنىڭ وكىلدەرى، ۇوس-نىڭ سوعىسى مەن تىل ەڭبەكككەرلەرى ارداگەرلەر كەڭەسىنىڭ قوعامدىق قورى، ۇقك شەكارا قىزمەتىنىڭ اسكەريلەرى قۇتتىقتادى.
اكىمدىك جانە كاسىپكەرلەر اسكەري شەكارالىق گارنيزونمەن، تەحنيكانى جوندەۋ جونىندەگى باسقارمانىڭ جانە ق ر ۇقك شەكارا قىزمەتىنىڭ اسكەريلەرىمەن بىرگە ارداگەردىڭ ءۇيىن جوندەپ، اۋلا اينالاسىن تازارتىپ بەردى.
ايتا كەتەرلىگى، مەملەكەت، بيزنەس وكىلدەرى، ۇەۇ، اسكەري بولىمشەلەر تەك جەڭىس كۇنى عانا ەمەس، ارداگەرلەرگە ۇنەمى قولداۋ كورسەتىپ، كومەكتەسىپ كەلەدى. اقشالاي تولەمدەر، ءتۇرلى جەڭىلدىكتەر جاسالىپ، ۇيلەرىندە دە، ونىڭ ىشىندە مەديسينالىق كومەك تە كورسەتىلەدى.